Alaksandr Łukašenka 3 studzienia pravioŭ rabočuju sustreču z kiraŭnikom Administracyi prezidenta Andrejem Kabiakovym i svaim pamočnikam Natallaj Piatkievič, jakija ŭznačalvajuć stvoranuju ŭ kastryčniku 2012 dziaržaŭnuju kamisiju dla vypracoŭki prapanoŭ pa aptymizacyi struktury, kolkaści i funkcyj dziaržaŭnych orhanaŭ. Ale z aficyjnaj infarmacyi pra sustreču ciažka zrazumieć sutnaść prapanovaŭ. Miarkujučy pa ŭsim, havorka idzie pra asablivyja skaračeńni ŭ Ministerstvach handlu i ŽKH i rajvykankamach.
Kamisii, u jakuju taksama ŭvachodzić šerah kiraŭnikoŭ dziaržorhanaŭ, było daručana da 30 śniežnia minułaha hoda ŭnieści Łukašenku adpaviednyja prapanovy. Padčas rabočaj sustrečy abmiarkoŭvalisia papiarednija vyniki raboty, kab u nastupnym možna było ŭžo ŭ bolš šyrokim składzie viarnucca da hetych pytańniaŭ i pryniać nieabchodnyja rašeńni pa skaračeńni aparatu dziaržsłužačych.
«My damaŭlalisia, što heta budzie jak minimum 25%. Taki čas nastaŭ.Kali my havorym pra debiurakratyzacyju, to, naturalna, treba, kab čynoŭnikaŭ było mienš. Kali čynoŭnikaŭ šmat, jany ŭsio roŭna znojduć sabie mahčymaść zajmacca navat tymi pytańniami, jakija nam nie patrebnyja i jakija jakraz uvachodziać u pieralik taho biurakratyzmu, suprać jakoha my z vami zmahajemsia, — adznačyŭ Łukašenka. — Ź inšaha boku, heta nie pavinna być čysta miechanična. Bo my možam nanieści škodu dziaržaŭnamu kiravańniu. Jość peŭnyja ŭstojanyja zakony, chaj jany subjektyŭnyja, ale jany vypakutavanyja ludźmi, i treba vyrazna ŭjaŭlać, kolki ŭ arhanizacyi pavinna być čałaviek, kab jana efiektyŭna pracavała.
Alaksandr Łukašenka taksama padkreśliŭ, što zadača pa skaračeńni na čverć aparata dziaržsłužačych heta tolki siaredni pakazčyk: «Heta nie značyć, što my pavinny skaracić dziaržsłužačych tam, dzie jany pierš za ŭsio patrebnyja i dzie skaračać ŭžo niemahčyma».U jakaści prykładu jon pryvioŭ rajvykankamy, jakija i zaraz nievialikija pa kolkaści, ale na ich usio ŭ bolšaj stupieni pieranosicca centr ciažaru ŭ kiravańni tymi ci inšymi pracesami na miescach.
«Tamu tut treba być bolš akuratnymi i aściarožnymi. Ale ŭ toj ža čas ja atrymlivaju (i kazaŭ pra heta) infarmacyju, što niekatoryja našy miascovyja kiraŭniki pieratvarajucca va ŭdzielnych kniaźkoŭ.Voś heta ŭžo, napeŭna, mała maje dačynieńnie da skaračeńnia kolkaści dziaržsłužačych, a da efiektyŭnaści našaha kantrolu za hetymi strukturami, padraździaleńniami i kankretnymi ludźmi, — zaŭvažyŭ kiraŭnik dziaržavy. — Ja heta budu mieć na ŭvazie ŭ svajoj pracy, ale vam niepasredna treba budzie hetym zajmacca «.
«Słovam, davajcie jašče raz pahladzim, dzie my pravilna padyšli da hetaha pytańnia (ja atrymaŭ vašy prapanovy i ŭ cełym ich padtrymlivaju), a dzie, moža być, jašče treba pravieści dadatkovyja kansultacyi», — skazaŭ Alaksandr Łukašenka.
Z nahody mahčymaści skaračeńnia niejkich ministerstvaŭ abo viedamstvaŭ Łukašenka padkreśliŭ, što ŭ rašeńni takich pytańniaŭ nie pavinna być paśpiechu i da hetaha pracesu treba padychodzić uzvažana: «Što datyčyć skaračeńnia asobnych orhanaŭ, ministerstvaŭ, viedamstvaŭ, ščyra kažučy, ja nie hatovy pa hetamu napramku prymać rašeńnie. Treba jašče raz paraicca z uradam i inšymi «, — adznačyŭ kiraŭnik dziaržavy.
Alaksandr Łukašenka, u pryvatnaści, zhadaŭ ab prapanovie skaracić Ministerstva handlu. «Moža być, kali zychodzić z kabinietnych, čysta rynkavych vykładak.Ale, ź inšaha boku, što bolš za ŭsio chvaluje ludziej siońnia? Tyja prablemy, jakija farmujucca ŭ śfiery handlu. Tak, moža być, nam Ministerstva handlu, da prykładu, pieranakiravać na rašeńnie kankretnych zadač, jakija turbujuć našych ludziej», — vykazaŭ mierkavańnie Łukašenka.
Jość prapanova i pa skaračeńni MinisterstvaŁukašenka zaŭvažyŭ, što «da hetaha ŭžo nie adnojčy padychodzili», ale mienavita ŭ hetaj śfiery siońnia bolš za ŭsio prablem, jakija chvalujuć nasielnictva.žyllova-kamunalnaj haspadarki.
«Tamu davajcie nie budziem śpiašacca siońnia ŭ płanie skaračeńnia hetych arhanizacyj, — adznačyŭ Alaksandr Łukašenka. — Ja jašče raz kažu: treba nam u niejkaj stupieni adyści ad hetych rynkavych tearetyčnych razvažańniaŭ, a zychodzić z kankretnych zadač i situacyj, jakija składajucca ŭ nas u krainie, i kali ministerstvy pracujuć nieefiektyŭna, u tym liku nazvanyja (ja z vami absalutna tut zhodny, jany sabie pakul jašče i miesca ŭ poŭnym abjomie nie znachodziać), nu tak treba ich źbiantežyć tak, kab jany krucilisia, krucilisia i vyrašali tyja prablemy, jakija siońnia chvalujuć ludziej».
