«Što toje bałda, što heta bałda»: sałodkaja «Łaura» z 18% śpirtu ŭ Homieli naraschvat — aŭdyjo
Urad Biełarusi zajaŭlaŭ pra zabaronu prodažu ŭ 2013 hodzie vin nizkaha hatunku, jakija ŭ pobycie atrymali nazvu «čarniła». Zamiest ich vinzavody pavinny vyrablać «palepšanyja» napoi.U Homieli, adnak, u mahazinach ź vitryn nie źnikli viny nakštałt «Łaura», «Łučystaje», «Bielickaje» dy inšyja, košt jakich vahajecca ad 12 da 16 tys. rubloŭ.
Viny «Łučystaje», «Łaura» dy im padobnyja prapanoŭvajuć u Homieli ŭsie biez vyklučeńnia mahaziny — «Karzinka», «Rodnaja starana», jakija ŭvachodziać u sietku čatyroch rajonnych akcyjaniernych handlovych tavarystvaŭ.
Havoryć Jula, pradaviec kramy № 21 na vulicy Savieckaj:
«U hetym hodzie pryvozili. Viny hetyja paŭsiadzionnaha popytu vypuskaje homielski vinzavod. Nie viedaju, čym jany horšyja ci lepšyja, čuła, što nie buduć ich pradavać. Kuplajuć ich amatary, i vielmi chutka jany razychodziacca».
Toje ž samaje kaža i śpiecyjalist adździeła śpirtavych napojaŭ mahazina «Karzinka»:
«Kaniečnie, karystajucca popytam, asabliva ŭ viačerni čas, «Łučystaje», viny ŭ vialikich butelkach, naprykład «Nad Sožam».
Va ŭpraŭleńni handlu patłumačyli, što zabarona ŭradu była nie na prodaž, a mienavita na vytvorčaść vin nizkich hatunkaŭ:
«Pastanova była ad 27 listapada 2012 hoda № 1081. Zhadanaj pastanovaj vytvorcam daviedziena nulavaja kvota na vypusk niepalepšanych, macavanych vin. Davajcie hladzieć realna, kali kuplajuć i biaruć — značyć, dachod raście, i my pracujem. A chto vyrablaje, tamu i treba pytańni zadavać: čamu vyrablajecie?»
U firmiennym mahazinie «Kołas» homielskaha vinzavoda kažuć, što nie adčuli na sabie zabarony, praduhledžanaj ŭradavaj pastanovaj, bo i biez taho vypuskajuć palepšanuju pradukcyju:
«Iduć viny palepšanyja i pa śpiectechnałohii. My ich daŭno vypuskajem, tamu nie adčuli na sabie tuju pastanovu, tyja zabarony, jakija raspaŭsiudžvalisia na viny ardynarnyja. Ich u nas prosta niama. Našy viny ŭsie naturalnyja, my tolki naturalnuju syravinu vykarystoŭvajem. Nie vykarystoŭvajem ni farbavalnikaŭ, ni aramatyzataraŭ — ničoha takoha. Usie viny naturalnyja i adroźnivajucca tolki tym, što ŭ adnych bolš naturalnaha bradžeńnia, u druhich — mienš. Heta značyć, bolš zamacoŭvajucca śpirtam abo mienš».
U amataraŭ tannych vin svoj pohlad na jakaść. Pra heta, u pryvatnaści, razvažaje spadar Viačasłaŭ, jaki tolki što nabyŭ try butelki vina «Łaura»:
«Usio adno, što toje bałda, što heta bałda. Kierahazicca niezrazumieła, što i z čym.A chto była Łaura? Kachanka Piatrarki. Śpirtu tut 18 pracentaŭ, cukru 50Aura-Łaura . Paetyčnaja nazva!
Dyk ja vam skažu, što hetaje jakasnaje vino ničym nie adroźnivajecca — tolki koštam».
Ciapier čytajuć
Biełaruska adnačasova mieła dva hramadzianstvy — ale daviedałasia pra heta tolki ŭ 21 hod. Jak tak vyjšła?7
Biełaruska adnačasova mieła dva hramadzianstvy — ale daviedałasia pra heta tolki ŭ 21 hod. Jak tak vyjšła?
«Mama, davaj napišam zajavu ŭ milicyju, jon mianie ŭžo dastaŭ». Maci školnika z Bresta, jaki skončyŭ žyćcio samahubstvam, raskazała pra ckavańnie syna2222
Kamientary