19 lipienia adbyłosia pieršaje pasiadžeńnie Arhanizacyjnaha kamiteta. Hanarovaj staršynioj pahadziłasia stać staršynia Rady BNR Ivonka Surviłła.
MHA «Zhurtavańnie biełarusaŭ śvietu «Baćkaŭščyna», statutnyja mety jakoha — adradžeńnie Biełarusi jak suvierennaj dziaržavy, kansalidacyja biełarusaŭ jak nacyi i jadnańnie ŭ adzinuju supolnaść biełarusaŭ, što žyvuć pa‑za miežami Biełarusi i na Baćkaŭščynie, vystupiła ź inicyjatyvaj zasnavańnia Hramadskaha arhanizacyjnaha kamiteta dziela hodnaha śviatkavańnia 90‑ch uhodkaŭ Biełaruskaj Narodnaj Respubliki.
Nastupny, 2008 hod, jubilejny dla biełaruskaj dziaržaŭnaści — 90 hod stvareńnia Biełaruskaj Narodnaj Respubliki — znakavaja data, jakaja pavinna adznačacca šyrokamaštabna, na ahulnanacyjanalnym uzroŭni, ciaham usiaho jubilejnaha hoda.
19 lipienia adbyłosia pieršaje pasiadžeńnie Arhanizacyjnaha kamiteta. Hanarovaj staršynioj pahadziłasia stać staršynia Rady BNR Ivonka Surviłła. U Arhkamitet uvajšli viadomyja pradstaŭniki biełaruskaj intelihiencyi, hramadskija dziejačy ź Biełarusi i zamiežža, kiraŭniki biełaruskich supołak z roznych krain śvietu. Sustaršyniami Arhkamitetu abranyja Hienadź Buraŭkin, Radzim Harecki, Alaksiej Maračkin.
Arhkamitet ličyć, što jubilejnyja mierapryjemstvy pavinny stać dobraj nahodaj, kab adznačyć dziaržavatvornuju značnaść Aktu abviaščeńnia niezaležnaści 25 sakavika 1918 h. papularyzavać jaho histaryčnuju značnaść i pakazać upłyŭ hetaj padziei na chod našaj historyi. Padrychtoŭka da jubileju i jaho śviatkavańnie pavinny stać punktam adliku Biełaruskaj Narodnaj Respubliki ŭ formie sučasnaj, realna niezaležnaj, suvierennaj i volnaj Respubliki Biełaruś, a taksama padmurkam jadnańnia roznych ruchaŭ, partyj, zhurtavańniaŭ, arhanizacyj niezaležna ad palityčnaj aryjentacyi pry ŭmovie pryznańnia pryjarytetami dziaržaŭnaha budaŭnictva nacyjatvornych pytańniaŭ movy, histaryčna śćvierdžanaj simvoliki, svabody i demakratyi.
Mienavita tamu Arhkamitet na svaim pieršym pasiadžeńni vyrašyŭ źviarnucca da ŭsich partyj, ruchaŭ, arhanizacyj, dziejačaŭ z prapanovaj vyłučyć svaich pradstaŭnikoŭ u Arhkamitet.
Taksama Arhkamitet vyznačyŭ asnoŭnyja nakirunki dziejnaści i prapanavaŭ abvieścić 2008 hod — Hodam biełaruskaj dziaržaŭnaści (BNR). Paśla pašyreńnia składu Arhkamiteta adbudziecca farmavańnie Rabočaj hrupy i budzie składzieny kalandarny płan‑hrafik mierapryjemstvaŭ.
Ciapier čytajuć
Ministr suviazi: Abmiežavańni mabilnaha internetu zakranuć 1,7 miljona biełarusaŭ9
Kamientary