Banki Biełarusi ź siońniašniaha dnia pierastanuć spahaniać kamisijnyja i inšyja płaciažy z kredytaatrymalnika za karystańnie kredytam. 22 studzienia 2013 hoda ŭ siłu ŭstupaje zakon «Ab uniasieńni dapaŭnieńniaŭ i źmianieńniaŭ u Bankaŭski kodeks Respubliki Biełaruś», jaki ŭklučaje takuju zabaronu. Razam z tym, dziejańnie zabarony nie budzie raspaŭsiudžvacca na kredytnyja damovy, zaklučanyja pa 21 studzienia 2013 hoda ŭklučna.
Takim čynam, novaŭviadzieńnie zakranie tolki kredytnyja damovy, zaklučanyja paśla ŭstupleńnia ŭ siłu papravak u Bankaŭski kodeks, heta značyć z 22 studzienia 2013 hoda.
Miera nakiravana na pavyšeńnie prazrystaści dziejnaści bankaŭ pry kredytavańni. Košt kredytu pavinien vyznačacca pracentnaj staŭkaj za karystańnie kredytam, adznačajuć u Nacyjanalnym banku.
Tamu pa niekatorych kredytnych praduktach staŭki vizualna vyrastuć, faktyčna zastaŭšysia raniejšymi. Pierš za ŭsio heta budzie datyčycca tak zvanych chutkich kredytaŭ — jakija vydajucca za vielmi karotki pieryjad času i ź minimalnym pakietam dakumientaŭ, što patrabujucca ad klijentaŭ.Ciapier dadatkovyja płaciažy, kali takija jość, buduć adrazu ŭklučacca ŭ staŭku pa kredytu.
Pa takich praduktach staŭki paśla 22 studzienia mohuć pavialičycca da 100% hadavych, prahnazujuć ekśpierty. Razam z tym, majučy mahčymaść adrazu bačyć realnuju staŭku, kredytaatrymalniki zmohuć adekvatna acanić svaje siły, pierš čym brać darahi kredyt.
Akramia taho, ciapier bank abaviazany budzie aznajomić (a nie prosta dać mahčymaść aznajamleńnia) kredytaatrymalnika z pamieram pracentaŭ za karystańnie kredytam da zaklučeńnia kredytnaj damovy.
Ciapier čytajuć
Na vajnie va Ukrainie zahinuŭ były dyrektar dvuch aršanskich zavodaŭ4
Kamientary