Padstavaj dla adpaviednaha rašeńnia MZS staŭ administracyjny aryšt karespandenta, abvinavačanaha ŭ łajancy letam 2012 hoda.
Nahadajem, što ranicaj 22 červienia śpiecnazaŭcy zatrymali Paŭła Śviardłova pobač z domam. U toj ža dzień sudździa Maskoŭskaha rajona Taćciana Matyl pakarała jaho 15 sutkami aryštu za brudnuju łajanku ŭ hramadskim miescy, chacia sam karespandent svaju vinu kateharyčna admaŭlaje. Śviardłoŭ ― vykładčyk kulturałohii i ŭładalnik «Kryštalnaj savy». A ŭ pratakole, jaki hruntujecca na śviedčańniach milicyjantaŭ, skazana, što jon łajaŭsia matam «biespryčynna» i «biazadrasna». Zatrymańnie i razhlad spravy adbylisia z takoj chutkaściu, što advakat navat nie paśpieła dajechać da suda.
Haradski sud pakinuŭ rašeńnie sudździ Taćciany Matyl bieź źmienaŭ. Razhladam spravy zajmałasia sudździa Alena Šylko. Taksama, jak i Taćciana Matyl, jana ŭniesienaja ŭ śpis čynoŭnikaŭ, jakim zabaronieny ŭjezd u ES. Nie dało plonu i abskardžańnie pastanovy ŭ Viarchoŭnym sudzie, jaki admoviŭsia źviartać uvahu na pakazańni śviedki praz toje, što sam Śviardłoŭ u sudzie pieršaj instancyi nibyta nastojvaŭ na tym, što inšych śviedkaŭ akramia milicyjantaŭ pry zatrymańni nie było.
MZS akredytavaŭ jaho pry minskim karpunkcie Jeŭraradyjo ŭ 2010 hodzie i potym dvojčy praciahvaŭ akredytacyju. Zhodna z p.15.2 Pałažeńnia ab paradku akredytacyi žurnalistaŭ zamiežnych ŚMI, MZS maje prava pazbavić akredytacyi karespandenta ŭ vypadku parušeńnia im «zakanadaŭstva Respubliki Biełaruś».Pavieł Śviardłoŭ mieŭ akredytacyju da 30 krasavika 2013 hoda.
Ciapier čytajuć
Dziaržaŭnyja sacyjołahi: Biełarusy najpierš źviazvajuć svaju dziaržaŭnaść ź Vialikim Kniastvam Litoŭskim14
Kamientary