Падставай для адпаведнага рашэння МЗС стаў адміністрацыйны арышт карэспандэнта, абвінавачанага ў лаянцы летам 2012 года.
Нагадаем, што раніцай 22 чэрвеня спецназаўцы затрымалі Паўла Свярдлова побач з домам. У той жа дзень суддзя Маскоўскага раёна Таццяна Матыль пакарала яго 15 суткамі арышту за брудную лаянку ў грамадскім месцы, хаця сам карэспандэнт сваю віну катэгарычна адмаўляе. Свярдлоў ― выкладчык культуралогіі і ўладальнік «Крыштальнай савы». А ў пратаколе, які грунтуецца на сведчаннях міліцыянтаў, сказана, што ён лаяўся матам «беспрычынна» і «бязадрасна». Затрыманне і разгляд справы адбыліся з такой хуткасцю, што адвакат нават не паспела даехаць да суда.
Гарадскі суд пакінуў рашэнне суддзі Таццяны Матыль без зменаў. Разглядам справы займалася суддзя Алена Шылько. Таксама, як і Таццяна Матыль, яна ўнесеная ў спіс чыноўнікаў, якім забаронены ўезд у ЕС. Не дало плёну і абскарджанне пастановы ў Вярхоўным судзе, які адмовіўся звяртаць увагу на паказанні сведкі праз тое, што сам Свярдлоў у судзе першай інстанцыі нібыта настойваў на тым, што іншых сведкаў акрамя міліцыянтаў пры затрыманні не было.
МЗС акрэдытаваў яго пры мінскім карпункце Еўрарадыё ў 2010 годзе і потым двойчы працягваў акрэдытацыю. Згодна з п.15.2 Палажэння аб парадку акрэдытацыі журналістаў замежных СМІ, МЗС мае права пазбавіць акрэдытацыі карэспандэнта ў выпадку парушэння ім «заканадаўства Рэспублікі Беларусь».Павел Свярдлоў меў акрэдытацыю да 30 красавіка 2013 года.
Цяпер чытаюць
У Мінску кідаюць будаваць трэцюю лінію метро ў Зялёны Луг. Усе сілы пойдуць на чацвёртую, кальцавую10
Каментары