Padatkaviki hadzińnikam Miaśnikoviča nie zacikavilisia
I sumniavajucca ŭ tym, što jość nieabchodnaść davać kožnamu žadajučamu mahčymaść aznajomicca z dekłaracyjaj ab prybytkach luboha čynoŭnika.
Spravazdaču pa vynikach svajoj pracy ŭ minułym hodzie davali 23 studzienia žurnalistam padatkaviki. Raspaviali, što sabrali ŭ kansalidavany biudžet 101,4 tryljona rubloŭ padatkaŭ, što pieravykanali płan na 0,5%, pra pośpiechi elektronnaha dekłaravańnia i hetak dalej.
Asablivuju ŭvahu načalnik hałoŭnaha ŭpraŭleńnia padatkaabkładańnia fizičnych asob Ministerstva pa padatkach i zborach Michaił Rasolka źviartaje na toje, što spahnali 7 miljardaŭ rubloŭ z tych, u kaho prybytki nie adpaviadali vydatkam. Z hetaj nahody Jeŭraradyjo pierapytvaje, ci zacikavilisia padatkaviki hadzińnikam Michaiła Miaśnikoviča.
«Asabista ja hety hadzińnik nie bačyŭ i nie mahu ničoha skazać — ci darahi jon. Možacie moj sfatahrafavać, kali kahości cikavić — hadzińnik „Łuč“, jakomu ŭžo 25 hadoŭJaho ja taksama nie dekłaravaŭ nidzie!»
Taki ž niekankretny adkaz atrymlivajecca i na pytańnie, ci nie treba było b, na dumku padatkavikoŭ, abaviazać usich čynoŭnikaŭ vykładać u svabodny dostup svaje dekłaracyi.
«Heta ŭsio — padatkovaja tajamnica. Usio, što źviazana z majomasnym stanoviščam, pavodle Kanstytucyi my nie majem prava razhałošvać.Jość zakon „Ab dziaržaŭnaj słužbie“, jość zakon „Ab dekłaravańni“, jakimi taki abaviazak nie vyznačany. Kali taki abaviazak zakanadaŭstvam budzie vyznačany, tady… Ja zaraz nie hatovy skazać, nakolki heta vykładańnie paŭpłyvaje na karupcyjny składnik. Ale ž kožnaja dekłaracyja padlahaje praviercy, nie radziej za adzin raz u piać hadoŭ dekłaracyja pavinna być pravieranaja. Kantrol dziaržavy ažyćciaŭlajecca. Što tyčycca publikacyi — nu…», — kaža M. Rasolka.
A pieršy namieśnik ministra Siarhiej Nalivajka dadaje: hałoŭnaje, što pravierki pravodziacca, i nie važna, nakolki hetaja praca publičnaja.
Asablivuju ŭvahu nadavali letaś padatkaviki ihralnamu biźniesu. I ŭsio dziela taho, kab stvaryć maksimalna pryjemnyja ŭmovy dla… turystaŭ, raspaviadaje načalnik hałoŭnaha ŭpraŭleńnia kantrolu padakcyznych tavaraŭ, ihralnaha biźniesu i elektronnych sistem kantrolu realizacyi tavaraŭ Uładzimir Mukvič.
Uładzimir Mukvič: «Admieniena patrabavańnia ab izalavanaści pamiaškańnia dla bukmiekierskaj dziejnaści, pradastavili prava arhanizataram azartnych hulniaŭ ažyćciaŭlać hramadskaje charčavańnie ŭ ihralnych ustanovach, urehulavali pytańni nakont praviadzieńnia
Padatkaviki paabiacali, što i ŭ 2013 hodzie nie pakinuć biez uvahi hetuju krynicu papaŭnieńnia biudžetu.
Darečy, Siarhiej Nalivajka miž inšym adznačyŭ, što sioleta ich ministerstva čakaje skaračeńnie. Ale kolki supracoŭnikaŭ pojduć šukać sabie novaje miesca pracy, nie ŭdakładniaje.
Kamientary