Vyniki chakiejnaj alimpijskaj kvalifikacyi my paprasili prakamientavać hałoŭnaha redaktara haziety «Priessboł» Uładzimira Bieražkova.
«Naša Niva»: Dla Vas pralot zbornaj mima Alimpijady staŭ siurpryzam?
Uładzimir Bieražkoŭ: Nie. Ułasna kažučy, usio da hetaha išło. Jašče daŭno skazaŭ, što ŭ nas mała šancaŭ. Jašče pry Navumavie, jak kiraŭniku fiederacyi, byŭ pryniaty płan pavodle jakoha my pavinny byli trapić u čaćviorku na Alimpijadzie ŭ Sočy, a na chatnim čempijanacie śvietu zaniać treciaje miesca.
Heta byŭ valuntaryscki padychod. Jaki zaściłaŭ nam vočy. Spyniłasia padrychtoŭka rezierva, mała imionaŭ. Tyja biełarusy, što jość u KCHŁ, chutčej, ciahajuć pijanina, a nie hrajuć na im.My nie tolki naŭprost nie trapili na Alimpijadu, ale i nie zmahli pryniać adbor, nastolki maleńki ŭ nas byŭ rejtynh. Navat kali fiederacyja stvaryła kamisiju pa vyviadzieniu z kryzisa, kudy ŭvajšli Vorsin, Barodzič i inšyja, pieršym rašeńniem było zasnavać premijalny fond u 500 tysiač dalaraŭ. Ale, prabačcie, u chakiej hulajuć nie hrašyma, a hulcami! Skažu bolš, kali b łakaŭt u NCHŁ zaciahnuŭsia, to my taksama nie byli favarytami, a Danija. U Słavienii taksama jość Kapitar.
«NN»: Budzie niejki razbor palotaŭ na dziaržaŭnym uzroŭni?
UB: Ich było ŭžo stolki šmat… Sprava ŭ kansiervatoryi. Kali hulcy ciahajuć pijanina, to jany nie navučacca na im hrać. Dziaržaŭnaje finansavańnie ŭ chakiei prosta varjackaje. Ahramadnyja hrošy narodnaj haspadarki ŭkładvajucca ŭ hety vid sporta. Tym nie mienš kłuby ihnarujuć ukazy prezidenta ab 25%, jakija treba ŭkładvać u dziciačyja škoły. Treba mianiać usio ŭ korani.
Słavienskija chakieisty hulajuć u šviedskich, niamieckich kłubach, dzie atrymlivajuć maksimum 5–6 tysiač dalaraŭ, našy ž atrymlivajuć 50–60 tysiač za miesiac.
«NN»: To bok Vy zhodnyja, što hrošy kiepska ŭpłyvajuć na naš chakiej?
UB:
Kaniečnie. Kali płaciać ni za što. Tolki za toje, što jany hulajuć u KCHŁ.Kali meta «Dynama» prosta sabrać anšłah na
«NN»: Ci jość šaniec paźbiehnuć kanfuza na chatnim čempijanacie śvietu ŭ 2014 hodzie?
UB: Nie. Treba realna aceńvać svaje siły. Adziny šaniec trapić u paŭfinał, jak było pastaŭlena, heta, kali ŭ Minsk nie pryjeduć viadučyja zbornyja.
Ničoha dobraha ad hetaha čempijanata nie treba čakać.