Milinkievič: Patrebnaja «darožnaja mapa» pakrokavaha zbližeńnia Biełarusi i ES
Staršynia ruchu «Za Svabodu» Alaksandr Milinkievič ličyć, što patrebnaja «darožnaja mapa» pakrokavaha zbližeńnia Biełarusi i Jeŭrasajuza.Pry hetym «biassprečnaj pieradumovaj dla dyjałohu zastajecca vyzvaleńnie ŭsich palityčnych źniavolenych». Pra heta biełaruski palityk zajaviŭ na sustrečy lidaraŭ i kiraŭnikoŭ nacyjanalnych delehacyj Jeŭrapiejskaj narodnaj partyi, jakaja prachodzić ŭ Afinach 7–8 sakavika, paviedamlaje
Milinkievič zaznačyŭ, što ŭ vyniku ekanamičnych prablem, u tym liku praz paharšeńnie pazicyj na rasijskim rynku, ułady Biełarusi vymušany adnaŭlać stasunki ź Jeŭrapiejskim sajuzam, bo dla Biełarusi važna pavieličeńnie ekspartu ŭ krainy ES i pošuk madernizacyjnych technałohij.Pry hetym palityk zajaviŭ, što ŭ biełaruskim uradzie jość ministry, jakija razumiejuć nieabchodnaść ekanamičnaj libieralizacyi i pryvatyzacyi: «Adnak Alaksandr Łukašenka strymlivaje strukturnyja reformy. Sproby ž madernizacyi pry zachavańni žorstkaha
«Niahledziačy na toje što ciapierašnija ŭłady Biełarusi pakazali siabie niepaśladoŭnym i składanym partnioram i što patencyjał dyjałohu pamiž ES i Biełaruśsiu vielmi abmiežavany, tym nie mienš jon moža pryvieści da źmianšeńnia represij, pavieličeńnia prajeŭrapiejskich nastrojaŭ u biełaruskim hramadstvie, pašyreńnia vakna mahčymaściaŭ dla hramadzianskaj supolnaści, a taksama libieralizacyi ekanamičnaha žyćcia. Luby pazityŭny krok u bok Zachadu lepšy, čym kroki, što viaduć da ŭzmacnieńnia zaležnaści ad Rasii i straty suvierenitetu», — adznačyŭ Milinkievič na sustrečy ŭ Afinach.
Słušnym lidaru ruchu «Za Svabodu» ŭjaŭlajecca ažyćciaŭleńnie dyjałohu praz «darožnuju mapu» pakrokavaha zbližeńnia, hałoŭnaj metaj jakoha źjaŭlajecca «zavajova rozumaŭ i sercaŭ biełarusaŭ».Takimi krokami moža stać spraščeńnie vizavaha režymu ź ES pa prykładzie Polščy i Litvy. «Apošnimi hadami, niahledziačy na samaizalacyju režymu, kolkaść pajezdak biełarusaŭ u krainy ES vyrasła ŭ niekalki razoŭ. Heta pryniesła ekanamičnyja vyhady našym susiedziam i nie pryviało da ŭsplosku nielehalnaj mihracyi», — adznačyŭ jon.
Milinkievič nazvaŭ i inšyja kirunki dapamohi z boku Jeŭrasajuza: «Vielmi važna pašyryć stypiendyjalnyja prahramy ES dla biełaruskich studentaŭ i prahramy padrychtoŭki biełaruskich śpiecyjalistaŭ u roznych halinach — jany stanuć u budučym pravadnikami reformaŭ. Nieabchodna šyrokaja padtrymka z boku ES małoha i siaredniaha biźniesu. Taksama vielmi važna padtrymlivać prajekty pa raźvićci biełaruskaj identyčnaści i kultury».
Heta, na dumku staršyni ruchu «Za Svabodu», «paspryjaje adkrytaści biełaruskaj ekanomiki i hramadstva, pryviadzie ŭ budučym i da palityčnych transfarmacyj».
Inžyniera-kanstruktara z upraŭleńnia «Pielenha», jakoje robić techniku dla rasijskaha vojska, asudzili pa palityčnych artykułach3
Kamientary