Мілінкевіч: Патрэбная «дарожная мапа» пакрокавага збліжэння Беларусі і ЕС
Старшыня руху «За Свабоду» Аляксандр Мілінкевіч лічыць, што патрэбная «дарожная мапа» пакрокавага збліжэння Беларусі і Еўрасаюза.Пры гэтым «бясспрэчнай перадумовай для дыялогу застаецца вызваленне ўсіх палітычных зняволеных». Пра гэта беларускі палітык заявіў на сустрэчы лідараў і кіраўнікоў нацыянальных дэлегацый Еўрапейскай народнай партыі, якая праходзіць ў Афінах 7–8 сакавіка, паведамляе
Мілінкевіч зазначыў, што ў выніку эканамічных праблем, у тым ліку праз пагаршэнне пазіцый на расійскім рынку, улады Беларусі вымушаны аднаўляць стасункі з Еўрапейскім саюзам, бо для Беларусі важна павелічэнне экспарту ў краіны ЕС і пошук мадэрнізацыйных тэхналогій.Пры гэтым палітык заявіў, што ў беларускім урадзе ёсць міністры, якія разумеюць неабходнасць эканамічнай лібералізацыі і прыватызацыі: «Аднак Аляксандр Лукашэнка стрымлівае структурныя рэформы. Спробы ж мадэрнізацыі пры захаванні жорсткага
«Нягледзячы на тое што цяперашнія ўлады Беларусі паказалі сябе непаслядоўным і складаным партнёрам і што патэнцыял дыялогу паміж ЕС і Беларуссю вельмі абмежаваны, тым не менш ён можа прывесці да змяншэння рэпрэсій, павелічэння праеўрапейскіх настрояў у беларускім грамадстве, пашырэння вакна магчымасцяў для грамадзянскай супольнасці, а таксама лібералізацыі эканамічнага жыцця. Любы пазітыўны крок у бок Захаду лепшы, чым крокі, што вядуць да ўзмацнення залежнасці ад Расіі і страты суверэнітэту», — адзначыў Мілінкевіч на сустрэчы ў Афінах.
Слушным лідару руху «За Свабоду» ўяўляецца ажыццяўленне дыялогу праз «дарожную мапу» пакрокавага збліжэння, галоўнай мэтай якога з’яўляецца «заваёва розумаў і сэрцаў беларусаў».Такімі крокамі можа стаць спрашчэнне візавага рэжыму з ЕС па прыкладзе Польшчы і Літвы. «Апошнімі гадамі, нягледзячы на самаізаляцыю рэжыму, колькасць паездак беларусаў у краіны ЕС вырасла ў некалькі разоў. Гэта прынесла эканамічныя выгады нашым суседзям і не прывяло да ўсплёску нелегальнай міграцыі», — адзначыў ён.
Мілінкевіч назваў і іншыя кірункі дапамогі з боку Еўрасаюза: «Вельмі важна пашырыць стыпендыяльныя праграмы ЕС для беларускіх студэнтаў і праграмы падрыхтоўкі беларускіх спецыялістаў у розных галінах — яны стануць у будучым праваднікамі рэформаў. Неабходна шырокая падтрымка з боку ЕС малога і сярэдняга бізнесу. Таксама вельмі важна падтрымліваць праекты па развіцці беларускай ідэнтычнасці і культуры».
Гэта, на думку старшыні руху «За Свабоду», «паспрыяе адкрытасці беларускай эканомікі і грамадства, прывядзе ў будучым і да палітычных трансфармацый».
Каментары