Da novaj inicyjatyvy ŭžo dałučylisia bolš za 130 čałaviek.
«Ideja źjaviłasia ŭ mianie try hady tamu, — kaža fiłosaf i piśmieńnik Uładzimir Padhoł. — U Bruseli były pasoł Słavakii ŭ Biełarusi raskazaŭ mnie, jak čechi ładzili niezvyčajnuju akcyju: pierapisavali peŭnyja vieršy ź Biblii. Tady z Prahi pryvieźli staruju Bibliju, pakłali jaje na stoł, a pobač pakłali čystuju knihu i prapanavali haściam pierapisvać pa niekalki radkoŭ… Paśla pierakładčyk Vasil Siomucha raskazaŭ mnie, jak armianie zachavali Bibliju
Sioleta da spadara Padhoła, jaki ahučyŭ prapanovu try hady tamu ŭ efiry radyjo «Svaboda», pačali źviartacca ludzi z pytańniem «kali pačniecca pierapisvańnie». Detali akcyi, pavodle słovaŭ Padhoła, jašče ŭdakładniajucca. «My chočam ahučyć prapanovu ŭ krasaviku, ale mahčyma ŭžo ŭ toj momant prezientujem całkam pierapisany Psałtyr, — raskazvaje spadar Padhoł. — Užo pierapisali psałmy Ryhor Baradulin, Vasil Siomucha, Halina Siŭčyk, dałučajucca palitviazień Pavał Sieviaryniec, biełarusy Čechii. Viciebski aktyvist i raspaŭsiudnik niezaležnaj presy Barys Chamajda pierapisaŭ psałom učora ŭ centry Viciebska, zrabiŭ heta publična. Biełarusy zamiežža dasyłajuć teksty poštaj. Ja raźmiarkoŭvaju psałmy, kab jany nie dublavalisia. Usiaho psałmoŭ 151, 133 užo pišucca».
Pierapisvać vyrašana Bibliju ŭ biełaruskim pierakładzie Vasila Siomuchi.
Kardynatary prajekta prosiać pierapisvać psałmy ŭ dvuch asobnikach: adzin pakidać sabie, adzin dasyłać im.
«Kali Biblija budzie aryštavanaja, zastaniecca jašče adzin ekzemplar, jaki možna budzie adnavić, — tłumačyć spadar Padhoł. — Zachoŭvacca aryhinał budzie ŭ redakcyi niezaležnaha infarmahienctva BiełaPAN, adkaznym za jaho budzie dyrektar Aleś Lipaj, jaki śpiecyjalna dla pierapisanaj Biblii restaŭruje staradaŭni kufar».
«Kožny moža ŭziać udzieł, — kaža spadar Padhoł. — Chaj pobač z podpisam Baradulina staić podpis studenta. Heta Biblija stanie simvałam abjadnańnia,jak biełaruskija dyktoŭki — simvałam salidarnaści z movaj. Spadziajomsia, da stahodździa BNR my pierapišam Bibliju całkam».
Źviazacca z arhanizatarami možna praz elektronny adras: [email protected].
Ciapier čytajuć
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?3333
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?33
«Ad biazvychadnaści źjeździŭ u Biełaruś, dzie jamu zrabili apieracyju». Pabracim raskazaŭ, što viadoma pra aryštavanaha kalinoŭca Andreja Siarhiejeva1313
Kamientary