Praviadzieńnie sioleta ŭ Minsku mižnarodnaj vystavy ŭzbrajeńniaŭ i vajennaj techniki Milex nie płanujecca, paviedamili BiełaPAN u kołach abaronnaha siektara ekanomiki krainy. Pryčyna — adsutnaść płoščaŭ.
Mižnarodny abaronny forum niaźmienna pravodziŭsia z 2001 hoda, adzin raz u dva hady ŭ mai pa niacotnych hadach u vystavačnym centry «Biełekspa» na praśpiekcie Pieramožcaŭ, 14, na jaho zakrytych i adkrytych placoŭkach. Zaraz hety kompleks znachodzicca na rekanstrukcyi.
Tradycyjnaja infarmacyja pra toje, što kiraŭnikom urada Biełarusi padpisana rasparadžeńnie ab praviadzieńni Milex, što rabiłasia ŭ kancy hoda, jaki papiaredničaŭ hodu praviadzieńnia vystavy, abo ŭ pačatku hoda jaje praviadzieńnia, na aficyjnym pravavym partale pravo.by adsutničaje. U prahramie vystaŭ «Biełekspa» na 2013 hod Milex nie značycca.
Apošni raz vystava Milex prajšła ŭ Minsku 24–27 maja 2011 hoda.
Nahadajem, tady najbolšuju cikavaść u patencyjalnych zamiežnych zakazčykaŭ vyklikali cełasnyja ŭzory ŭzbrajeńnia i vajennaj techniki, u jakich realizavanyja vysokatechnałahičnyja biełaruskija raspracoŭki, a taksama ekskluziŭnyja raspracoŭki, što ŭpisvajucca ŭ sučasnyja kancepcyi viadzieńnia bajavych dziejańniaŭ.
Ciapier čytajuć
Zorka brejkdansu ź Viciebska atrymaŭ 11 hadoŭ turmy ŭ Kitai. Što zdaryłasia?4
Kamientary