«Čakajecca, što ŭ bližejšy čas udasca narmalizavać adnosiny Biełarusi z Eŭraźviazam šlacham vyzvaleńnia i reabilitacyi palityčnych źniavolenych». Pra heta havorycca ŭ paviedamleńni ambasady Litvy ŭ Biełarusi pa vynikach dvuchbakovych kansultacyjaŭ ministerstvaŭ zamiežnych spraŭ Litvy i Biełarusi. Delehacyjami krain kiravalivice-ministar zamiežnych spraŭ Litvy Andrus Kryvas i namieśnik ministra zamiežnych spraŭ Biełarusi Alena Kupčyna.
Vyzvaleńnie i reabilitacyja palitviaźniaŭ, pavodle Kryvasa, «dazvoliła b Biełarusi aktyŭna skarystać mahčymaści, jakija daje instrument Uschodniaha partnerstva EZ, nie zastavacca
EZ taksama čakaje adkazu Biełarusi na zroblenuju ŭ 2011 hodzie prapanovu raspačać pieramovy nakont damovy ab spraščeńni vizavaha režymu. Padpisańnie takoj damovy, akramia inšaha, dazvoliła b źmienšyć dla biełarusaŭ košt šenhienskich vizaŭ, havorycca ŭ paviedamleńni ambasady Litvy.
Padčas kansultacyjaŭ u Miensku byli abmierkavanyja pytańni sa stanam pravoŭ čałavieka, nakont jakich Eŭraźviaz maje surjoznyja roznahałośsi z aficyjnym Mienskam.
Ci sapraŭdy damovilisia baki padčas kansultacyjaŭ pra vyzvaleńnie palitviaźniaŭ? Na hetaje pytańnie presavy sakratar MZS Biełarusi Andrej Savinych adkazaŭ tak: «Usio, što my chacieli skazać pa hetych kansultacyjach, źmieščana na sajcie MZS. Pytańnie vyzvaleńnia źniavolenych znachodzicca ŭ kampetencyi kamisii pa pamiłavańniach. Tudy i źviartajciesia».
U litoŭskaj ambasadzie patłumačyli, što pytańnie vyzvaleńnia palitviaźniaŭ abmiarkoŭvałasia. Pra kankretny termin ich vyzvaleńnia razmova nie išła.
Što da sytuacyi z vyzvaleńniem palitviaźniaŭ, to dakładčyk pa Biełarusi Eŭrapiejskaha parlamentu Justas Paleckis skazaŭ, što pakul nia mieŭ sustrečy z pradstaŭnikami MZS Litvy. Adnak zhadaŭ pra svoj niadaŭni vizyt u Miensk:
«Ja byŭ na minułym tydni ŭ Miensku, i taksama byli takija pazytyŭnyja syhnały, što heta moža adbycca nieŭzabavie. Ale heta bolš było z boku apazycyi. Z boku ŭładaŭ było: tak, rychtujecca rašeńnie, ale kali i jak heta budzie, my ničoha nie možam skazać».
Ciapier čytajuć
Na mitynhu ŭ Vilni zatrymali pravakatara. A Cichanoŭski zajaviŭ pra namier dabivacca sustrečy ź Zialenskim11
Kamientary