«Чакаецца, што ў бліжэйшы час удасца нармалізаваць адносіны Беларусі з Эўразьвязам шляхам вызваленьня і рэабілітацыі палітычных зьняволеных». Пра гэта гаворыцца ў паведамленьні амбасады Літвы ў Беларусі па выніках двухбаковых кансультацыяў міністэрстваў замежных спраў Літвы і Беларусі. Дэлегацыямі краін кіравалівіцэ-міністар замежных спраў Літвы Андрус Крывас і намесьнік міністра замежных спраў Беларусі Алена Купчына.
Вызваленьне і рэабілітацыя палітвязьняў, паводле Крываса, «дазволіла б Беларусі актыўна скарыстаць магчымасьці, якія дае інструмэнт Усходняга партнэрства ЭЗ, не заставацца
ЭЗ таксама чакае адказу Беларусі на зробленую ў 2011 годзе прапанову распачаць перамовы наконт дамовы аб спрашчэньні візавага рэжыму. Падпісаньне такой дамовы, акрамя іншага, дазволіла б зьменшыць для беларусаў кошт шэнгенскіх візаў, гаворыцца ў паведамленьні амбасады Літвы.
Падчас кансультацыяў у Менску былі абмеркаваныя пытаньні са станам правоў чалавека, наконт якіх Эўразьвяз мае сур’ёзныя рознагалосьсі з афіцыйным Менскам.
Ці сапраўды дамовіліся бакі падчас кансультацыяў пра вызваленьне палітвязьняў? На гэтае пытаньне прэсавы сакратар МЗС Беларусі Андрэй Савіных адказаў так: «Усё, што мы хацелі сказаць па гэтых кансультацыях, зьмешчана на сайце МЗС. Пытаньне вызваленьня зьняволеных знаходзіцца ў кампэтэнцыі камісіі па памілаваньнях. Туды і зьвяртайцеся».
У літоўскай амбасадзе патлумачылі, што пытаньне вызваленьня палітвязьняў абмяркоўвалася. Пра канкрэтны тэрмін іх вызваленьня размова не ішла.
Што да сытуацыі з вызваленьнем палітвязьняў, то дакладчык па Беларусі Эўрапейскага парлямэнту Юстас Палецкіс сказаў, што пакуль ня меў сустрэчы з прадстаўнікамі МЗС Літвы. Аднак згадаў пра свой нядаўні візыт у Менск:
«Я быў на мінулым тыдні ў Менску, і таксама былі такія пазытыўныя сыгналы, што гэта можа адбыцца неўзабаве. Але гэта больш было з боку апазыцыі. З боку ўладаў было: так, рыхтуецца рашэньне, але калі і як гэта будзе, мы нічога не можам сказаць».
Цяпер чытаюць
Беларус паляцеў у Ніцу праз Стамбул — цяпер ён у коме ў французскай бальніцы. Мясцовыя медыкі раяць адключаць яго3
Каментары