Supracoŭniki palicyi Litvy, jakija rasśledujuć spravu pra hibiel biełaruskaha hramadskaha dziejača, prezidenta Asacyjacyi biełaruskich arhanizacyj Litvy i kiraŭnika kłuba «Siabryna» Ramana Vajnickaha, byli ŭražanyja. Usio bolš realnaj zdajecca nie viersija žorstkaha zabojstva ŭ padvale, a inscenavanaje samahubstva. Vierahodnaja pryčyna — rastrata hrošaj Jeŭrapiejskaha Sajuza.
Haziecie Lietuvos rytas ab pakul nie paćvierdžanych vysnovach raspavioŭ kiraŭnik Vilenskaj palicyi Kiastucis Łančynskas. Pavodle jaho słoŭ, treba dačakacca ŭsich vynikaŭ daśledavańniaŭ.
Uźnikła viersija, što śmierć Vajnickaha, chutčej za ŭsio, była staranna padrychtavanym samahubstvam,
a jaho pryčyna — sproba paźbiehnuć adkaznaści za kradziež hrošaj ź siaredniaj škoły imia Francyska Skaryny, dzie jon pracavaŭ zahadčykam haspadarki.
Śmierć Vajnickaha abrasła roznymi viersijami. Jon byŭ znojdzieny ranicaj 6 sakavika. Ab niaščaście na vulicy Kapsu paviedamiła 53-hadovaja žonka zahinułaha. Jana znajšła muža ŭ padvale šmatkvaternaha doma. Było pačata dasudovaje rasśledavańnie.
Śledčyja źviarnuli ŭvahu na toje, što pierad śmierciu, niby pradčuvajučy jaje, Vajnicki pakłapaciŭsia pra siamju — zapłaciŭ za hod napierad za kvateru, pa zaviaščańni pakinuŭ kvateru synu.
Raniej zhadvałasia pra pahrozy pa telefonie, ab jakich kazaŭ Vajnicki. Pravierka telefona niabožčyka nie vyjaviła padazronych zvankoŭ.
Taksama byli znojdzienyja dokazy taho, što Vajnicki sam kupiŭ skotč, jakim u padvale byŭ zaklejeny jaho rot, kab heta vyhladała jak zabojstva. Taksama drotam byli źviazany nohi, a drot padviedzieny da razietki, što navodziła na dumku ab katavańniach.
Vyśvietliłasia, što adrazu paśla zdareńnia dyrektar siaredniaj škoły Halina Sivołava nie paviedamiła, što dziejnaściu Vajnickaha zacikavilisia prakurory, jon padazrajecca ŭ finansavych machinacyjach.
Aŭdyt pakazaŭ, što nie chapaje srodkaŭ, vydzielenych z fondu ES.
Cień padazreńniaŭ upała na Vajnickaha, padazrajecca, što jon prysvoiŭ hrošy.
Ciapier čytajuć
Što viadoma pra zatrymanych radyjoamataraŭ, jakim pahražaje až da rasstrełu5
Kamientary