Tyranija hłabalnaha chaosu — u hetym bačyć hałoŭnuju pahrozu śvietu patryjarch amierykanskaj palitałohii, były daradca prezidenta Kartera pa nacyjanalnaj biaśpiecy Źbihnieŭ Bžezinski.
Pra heta jon havaryŭ na kanfierencyi pa hłabalnaj biaśpiecy Globsec, jakaja prachodzić hetymi dniami ŭ Bracisłavie.
Vystupoŭcu pradstaŭlaŭ słavacki palityk, były pasoł Słavakii ŭ ZŠA Marcin Butara: «Heta budzie vialiki momant dla našaj kanfierencyi, ciažka znajści słovy, kab skazać, nakolki słavaki abaviazanyja hetamu čałavieku».
Butara nazvaŭ Bžezinskaha adnym z samych upłyvovych myślaroŭ našaha času.
Temu svajho vystupu Bžezinski sfarmulavaŭ hłabalna, u duchu kanfierencyi, na jakoj vystupaŭ — «Što jość hałoŭnaj misijaj Zachadu ŭ sučasnym śviecie?»
Pavodle jaho, asnoŭnaja prablema Jeŭropy palahaje ŭ tym, što ŭ ES kolkaść bankaŭ raście chutčej, čym kolkaść nasielnictva.
Toje, što Jeŭropa nie maje hłabalnych ambicyjaŭ, prymušaje Amieryku, amierykanskuju hramadskaść bolš skieptyčna hladzieć na Jeŭropu, razhladać ES u jakaści skarbonki. Bžezinski zaklikaŭ jeŭrapiejcaŭ brać na siabie bolšuju adkaznaść za los płaniety i macavać suviazi z Amierykaj, u tym liku i praz NATA.
«U XXI stahodździ samaja vialikaja pahroza — heta nie tyraničnaja hiehiemonija, a tyranija hłabalnaha chaosu», — skazaŭ palitołah.
Bžezinski padkreśliŭ, što samyja važnyja vykliki ES ad susiedziaŭ iduć z boku Turcyi i Rasii.
Jon zaklikaŭ ES dziela ŭstalavańnia novaha suśvietnaha paradku pryniać u svaje šerahi krainy Uschodniaj Eŭropy, u tym liku Biełaruś i Ukrainu.
U svajoj pramovie vystupoŭca niekalki razoŭ zhadvaŭ Biełaruś, nazyvajučy jaje kožny raz z Ukrainaj, praŭda, adznačajučy pry hetym, što biełaruski režym bolš represiŭny.
Ciapier čytajuć
Prakuratura pra śmierć Miełkaziorava: žurnalist mieŭ chraničnuju chvarobu13
Prakuratura pra śmierć Miełkaziorava: žurnalist mieŭ chraničnuju chvarobu
Fiaduta — Kaleśnikavaj: Mašańka, ci viarniciesia na Miesiac, ci nie vučycie žyć tych, chto stamiŭsia nabivać huzy ad čarhovaha nastupańnia na hrabli3131
Kamientary