Tak paviedamiła maci palitviaźnia Valancina Alinievič, daviedaŭšysia pra heta z synavaha lista, jaki atrymała siońnia, 22 krasavika.
«Napisaŭ, što tolki što vyjšaŭ z ŠYZA — štrafnoha izalatara, dzie adbyŭ 20 dzion. Parušeńnie, za jakoje jaho pakarali, — admoviŭsia prybirać tualet. Heta druhi raz jaho karajuć štrafnym izalataram pavodle hetaha parušeńnia, letaś uletku takoje ŭžo było. Karaciej, jak chočuć pasadzić u ŠYZA, dyk zahadvajuć prybirać tualet. Jon admaŭlajecca — i pryčyna znajšłasia».
Bolš za miesiac tamu ŭ Rasiei vyjšła kniha Ihara Alinieviča «Jedu ŭ Mahadan», u jakoj palitviazień raspavioŭ pra svoj aryšt u Maskvie i pra miesiacy, praviedzienyja ŭ SIZA KDB. Paśla hetaha ad Ihara Alinieviča damoŭ nie było telefonnych zvankoŭ i listoŭ. 19 krasavika na prezentacyi knihi «Jedu ŭ Mahadan» u ofisie BNF Valancina Alinievič vykazała mierkavańnie, što maŭčańnie syna źviazanaje mienavita z vychadam jahonaj knihi.
Ihar Alinievič asudžany na 8 hadoŭ źniavoleńnia za ŭdzieł u napadach na aficyjnyja budynki ŭ Miensku, u tym liku na budynak ambasady Rasiei. Svajoj viny Ihar Alinievič nie pryznaŭ. Palitviazień adbyvaje pakarańnie ŭ navapołackaj kalonii.
Vylecieła ŭ nieviadomym kirunku śpikierka KR Anžalika Mielnikava30
Kamientary