U Breście 22 krasavika zatrymali niećviarozaha kiroŭcu, jaki staŭ u rehijonie rekardsmienam pa stupieni apjanieńnia.
Jak paviedamiła načalnik adździaleńnia pa ahitacyi i prapahandzie DAI UUS Bresckaha abłvykankama Natalla Sacharčuk, u 10.15 na vulicy Suvorava supracoŭnik bataljona darožna-patrulnaj słužby DAI spyniŭ aŭtamabil "Opiel-Viektra", bo jaho kiroŭca nie byŭ pryšpileny ramianiom biaśpieki.
"Ź pieršych chvilin razmovy inśpiektar zrazumieŭ, što aŭtamabilist znachodzicca ŭ stanie apjanieńnia. 34-hadovaha bieraścieja dastavili na miedahlad, dzie ŭ jaho było vyjaŭlena 3,22 pramile ałkaholu", — skazała Sacharčuk.
Taksaka ŭstanoŭlena, što ŭ červieni 2010 hoda hety mužčyna byŭ na try hady pazbaŭleny prava kiravańnia transpartnymi srodkami za znachodžańnie za rulom u stanie apjanieńnia.
U dačynieńni da zatrymanaha składzieny administracyjny pratakoł.
"Čaściej za ŭsio ŭ niećviarozych kiroŭcaŭ vyjaŭlajuć ad 0,8 da 1,3 pramile ałkaholu. Takaja kolkaść, jak u hetaha hramadzianina, vyjaŭlena ŭpieršyniu z pačatku hetaha hoda ŭ vobłaści, — adznačyła Sacharčuk. — Usiaho ŭ rehijonie z pačatku 2013 hoda zatrymana amal 1.800 aŭtamabilistaŭ, jakija znachodzilisia za rulom u stanie apjanieńnia".
Kamientary