Pierad adlotam u Stakholm na čarhovy čempijanat śvietu pa chakiei nacyjanalnaja zbornaja Biełarusi znachodzicca ŭ vydatnym maralnym stanie. Pra heta zajaviŭ jaje hałoŭny trenier Andrej Skabiełka 30 krasavika na pres-kanfierencyi ŭ Minsku.
«Dla mnohich hulcoŭ ciapierašniaha składu, jakija ŭpieršyniu jeduć na turnir takoha vysokaha ranhu, hety čempijanat śvietu — šanc prajavić siabie. Tamu ŭsie chakieisty pracujuć u zbornaj ź vialikim žadańniem, nastroj u kamandy dobry. Nie mahu skazać, što niechta pryjechaŭ u zbornuju biez žadańnia», — padkreśliŭ śpiecyjalist.
Skład zbornaj Biełarusi:
varatary — Dźmitryj Milčakoŭ (1986 hoda naradžeńnia, «Mietałurh», Žłobin), Vital Bialinski (1989, «Junactva-Minsk», VCHŁ), Ściapan Haračeŭskich (1985, «Danbas», Danieck, Ukraina, KCHŁ);
abaroncy — Aleh Haroška (1989, «Dynama-Minsk», KCHŁ), Pavieł Čarnavok (1986, «Dynama-Minsk», KCHŁ), Andrej Filičkin (1987, «Homiel»), Jarasłaŭ Maślenikaŭ (1982, «Homiel»), Ilja Šynkievič (1989, «Mietałurh», Žłobin), Ilja Kaznadziej (1989, «Mietałurh», Žłobin), Raman Hrabarenka (1992, «Ołbani Deviłz», Amierykanskaja chakiejnaja liha), Alaksandr Jaronaŭ (1989, «Šachcior», Salihorsk);
napadniki — Kanstancin Kalcoŭ (1981, «Atłant», Myciščy, Rasija, KCHŁ), Jaŭhien Kavyršyn (1986, «Sievierstal», Čarapaviec, Rasija, KCHŁ), Alaksandr Kitaraŭ (1987, «Dynama-Minsk», KCHŁ), Alaksandr Kułakoŭ (1983, «Dynama-Minsk», KCHŁ), Dźmitryj Mialeška (1982, «Dynama-Minsk», KCHŁ), Andrej Staś (1988, «Dynama-Minsk», KCHŁ), Arciom Kisły (1989, «Nioman», Hrodna), Viačasłaŭ Andruščanka (1989, «Mietałurh», Žłobin), Michaił Stefanovič (1989, «Homiel»), Jaŭhien Sałamonaŭ (1990, «Homiel»), Alaksiej Jafimienka (1985, «Šachcior», Salihorsk), Artur Haŭrus (1994, «Oŭen Saŭnd Atak», junijorskaja chakiejnaja liha kanadskaj pravincyi Antarya), Alaksiej Uharaŭ (1985, «Tarpieda», Nižni Noŭharad, Rasija, KCHŁ), Arciom Dziamkoŭ (1989, «Hamburh», Hiermanija).
U reziervie zastajecca napadnik Siarhiej Drozd (1990, «Dynama-Minsk», KCHŁ), jaki budzie padtrymlivać formu ŭ Minsku.
Usie matčy hrupavoj stadyi biełarusy praviaduć u Stakholmie.3 maja ŭ startavym matčy na turniry biełarusy zhulajuć z čechami, 5 maja — sa słaviencami, 6 maja — sa šviedami, 10 maja — z kanadcami, 11 maja — z narviežcami, 13 maja — z datčanami, 14 maja — sa šviejcarcami.
Biełarusy nie mohuć vylecieć z elitnaha dyvizijona, bo źjaŭlajucca haspadarami nastupnaha čempijanatu śvietu, jaki adbudziecca ŭ Minsku. Dla vychadu ŭ čverćfinał nieabchodna zaniać 1—4-je miescy ŭ svajoj hrupie.
Nahadajem, pierad biełaruskaj kamandaj pastaŭlena zadača zaniać 8—10-je miescy pa vynikach čempijanatu śvietu.
«My prykładziom usie namahańni, kab vykanać zadaču, a ci chopić u nas sił i majsterstva, pakaža tolki sam čempijanat śvietu.Nakolki abjektyŭnyja takija zadačy dla biełaruskaha chakieja ŭ jaho ciapierašnim stanie? Nu, na pieršym etapie ŭsie kamandy staviać zadaču trapić u čaćviorku, kab vyjści ŭ plej-of, zrazumieła, što i ŭ nas takaja ž meta. Ab nievykanańni zadač i mahčymych nastupstvach ja zaraz nie dumaju», — padkreśliŭ Andrej Skabiełka.
Hałoŭny trenier nie zmoh adkazać, za jakuju ź linij u kamandzie pieražyvaje bolš za ŭsio. «Spadziajusia, prablem nie budzie ni ŭ jakoj, ale asabliva chaciełasia b, kab prablem nie było ŭ abaronie», — padsumavaŭ śpiecyjalist.
Apytanka
Ciapier čytajuć
Chočacie žyć doŭha — šukajcie rajon z narmalnymi drevami. Navukoŭcy vyśvietlili, što drevy ratujuć ad infarktaŭ, a hazony mohuć navat naškodzić zdaroŭju22
Kamientary