Zatrymanyja łžepradprymalniki, jakija «admyli» kala 20 młrd rubloŭ
U chodzie
Jak paviedamiła staršy opierupaŭnavažany pa asabliva važnych spravach HUBEZ MUS Vieranika Paśmiećjeva, dziakujučy «finansistam» u cieniavy abarot za 2009–2012 hady było vyviedziena amal 20 młrd. rubloŭ u vyhladzie niezakonnych finansavych apieracyj pa rachunkach padstaŭnych firm.
Raspačaty spravy ŭ dačynieńni da ŭdzielnikaŭ arhanizavanaj hrupy pa č. 3 art. 235 KK (lehalizacyja «admyvańnia» materyjalnych kaštoŭnaściej, nabytych złačynnym šlacham», č. 2 art. 233 KK (niezakonnaja pradprymalnickaja dziejnaść), č. 2 art. 243 KK (uchileńnie ad vypłaty sum padatkaŭ i zboraŭ). Pa kryminalnaj spravie prachodziać bolš čym 50 padazronych i śviedak.
Schiema złačynnaj dziejnaści padazronych była nastupnaj: subjekty haspadarańnia, časta dziaržaŭnaj formy ŭłasnaści (sistemy ŽKH, cukrovyja zavody, budaŭničyja arhanizacyi), źviartalisia ŭ dziaržaŭnyja prajektnyja ŭstanovy dla zaklučeńnia dahavoraŭ na vyrab
Pakolki sami «prajekciroŭščyki» nie źjaŭlalisia indyvidualnymi pradprymalnikami, to dla atrymańnia svajho zarobku jany źviartalisia da pasłuh tak zvanych iłžepradprymalnikaŭ, što trymali piać padstaŭnych firm, jakija aficyjna nazyvalisia «prajektnymi arhanizacyjami».
Atrymany zarobak «prajekciroŭščykaŭ» — bieznajaŭnyja hrošy ad zakazčykaŭ — pieravodziŭsia ŭ najaŭnyja z rachunkaŭ svaich firm i razdavaŭsia ŭ kanviertach u dołarach ZŠA.
Najaŭnyja dołary łžepradprymalniki ŭ abmien na bieznajaŭnyja hrošy brali ŭ pradpryjemstvaŭ i pradprymalnikaŭ pryvatnaj formy ŭłasnaści, jakija ŭ cieniavym abarocie pradavali tavar za najaŭny raźlik.
Udava aktyvista Maksima Čarniaŭskaha raskazała pra jaho pakuty pierad suicydam5
Kamientary