Andrej Skabiełka nie budzie treniravać chakiejnuju zbornuju Biełarusi
Jaho kantrakt ź fiederacyjaj zakančvajecca siońnia, 30 maja.
Fiederacyja chakieja Biełarusi vyrašyła nie praciahvać kantrakt z hałoŭnym trenieram zbornaj krainy Andrejem Skabiełkaj. Ab hetym śpiecyjalist paviedamiŭ BiełaPAN 30 maja padčas pasiadžeńnia trenierskaha savieta FCHRB.
«Ja ahučyŭ svaje dumki nakont ciapierašniaj situacyi i vykazaŭ svajo bačańnie dalejšaha raźvićcia. U fiederacyi mnie adkazali, što jość mierkavańnie, što kala rula zbornaj pavinien być zamiežny śpiecyjalist», — raskazaŭ Skabiełka, čyj kantrakt ź fiederacyjaj zakančvajecca siońnia, 30 maja.
Na pytańnie ab svaim budučym miescy pracy jon adkazaŭ: «Chutka daviedajeciesia». Skabiełka nie paćvierdziŭ, ale i nie abvierh čutki ab tym, što jon uvojdzie ŭ trenierski štab nižaharodskaha «Tarpieda», jakoje vystupaje ŭ Kantynientalnaj chakiejnaj lizie.
Andrej Skabiełka prapracavaŭ u zbornaj Biełarusi mienš čym hod. Jon uznačaliŭ nacyjanalnuju kamandu ŭ listapadzie
Pierajemnikam Skabiełki ŭ zbornaj, vierahodna, stanie kanadziec Hlen Chenłan, jaki ciapier znachodzicca ŭ Minsku i viadzie pieramovy z FCHRB. Paśla zvalnieńnia sa zbornaj Słavakii pa vynikach pravalnaha vystupleńnia na damašnim čempijanacie śvietu Chenłan dva hady pracavaŭ asistentam hałoŭnaha treniera dziciačaj kamandy ŭ Vankuviery.
Kamientujučy spartyŭnamu partału Goals.by mahčymaje pryznačeńnie kanadskaha śpiecyjalista na pasadu hałoŭnaha treniera zbornaj, kiraŭnik FCHRB Jaŭhien Vorsin zajaviŭ: «Kantrakt z Chenłanam pakul nie padpisany. Kali heta adbudziecca? Pakul skazać nie mahu, ale, spadziajusia, što ŭ samy najbližejšy čas. Možna skazać adno: my zacikaŭleny ŭ jaho pasłuhach, a Hlen zacikaŭleny ŭ supracoŭnictvie z nami. Adnak zastajecca jašče šmat pytańniaŭ. Samaje hałoŭnaje ciapier — uładzić usie detali kantrakta».
Ciapier čytajuć
Jakaja łohika sudoŭ za Hajun? Mužčyna, jakoha zatrymlivali pa hetaj spravie, apisaŭ ubačanaje6
Kamientary