Bił Hiejts pryznaŭsia ŭ šlubnych zdradach z rasijankami i ŭ tym, što Epštejn jaho hetym šantažavaŭ
Padčas schodu z supracoŭnikami svajho dabračynnaha fondu miljarder pryznaŭsia, što mieŭ ramany z rasijankami, pieradaje jaho słovy The Wall Street Journal.
Miljarder i zasnavalnik Microsoft Bił Hiejts padčas sustrečy z kalektyvam svajho fondu zrabiŭ šerah adkrytych pryznańniaŭ pra adnosiny z asudžanym za seksualnyja złačynstvy Džefry Epštejnam. Heta adbyłosia na fonie apublikavańnia novych fajłaŭ pa spravie Epštejna.
Hiejts nazvaŭ svaje sustrečy z Epštejnam «vielizarnaj pamyłkaj» i paprasiŭ prabačeńnia ŭ kožnaha, kaho hetaja situacyja zakranuła. Jon pryznaŭ, što jaho suviaź z takim čałaviekam naniesła ŭdar pa reputacyi fondu, kaštoŭnaści jakoha całkam procilehłyja ŭsiamu, što rabiŭ Epštejn.
Miljarder adkryta pryznaŭsia, što mieŭ dva pazašlubnyja ramany z rasijankami, pra jakija Epštejn paźniej daviedaŭsia. Adna ź ich — hulec u brydž, jany paznajomilisia na turnirach. Druhaja — fizik-jadzierščyk, jany paznajomilisia pa pracoŭnych spravach.
Hiejts kaža, što hetyja žančyny nie byli achviarami Epštejna i sam jon nikoli nie ŭdzielničaŭ u niečym niezakonnym. Adnak, pavodle źviestak miedyja, Epštejn sprabavaŭ vykarystoŭvać infarmacyju pra hetyja ramany, kab šantažavać Hiejtsa abo cisnuć na jaho.
Pavodle słoŭ Biła Hiejtsa, Epštejn pierakanaŭ jaho, što moža dapamahčy sabrać miljardy dołaraŭ na dabračynnaść praz svaje suviazi z bahatymi ludźmi z Uoł-stryt. Hiejts kaža, što prysutnaść inšych upłyvovych ludziej na sustrečach «narmalizavała» situacyju ŭ jaho vačach.
Hiejts śćviardžaje, što paśla 2014 hoda nie sustrakaŭsia z Epštejnam i ihnaravaŭ jaho elektronnyja listy.
Ciapier čytajuć
«Śvińni zarochkali. Biez vady daŭno nie siadzieli, ja b im adklučyŭ». Azaronak abrynuŭsia na žycharoŭ rajona Lebiadziny24
Kamientary