Kalinoŭca ź Pinsku Ihara Sałaŭja dapytvali pierakryžavalnym metadam u miascovym hateli.
Ihar paprasiŭ dazvołu na telefonny zvanok. Źviazaŭsia sa staršynioj haradzkoj arhanizacyi partyi BNF Alaksandaram Ramanovičam. Toj maje šerah zatrymańniaŭ, niekalki razoŭ byŭ asudžany na tak zvanyja sutki, maje dośvied jurydyčnaj abarony asoby.
— Alaksandar mianie papiaredziŭ, — kaža Ihar Sałaviej, — što milicyjanty musiać uručyć pozvu. «Kali takoj papiery niama, to hani ich preč», — paraiŭ Ramanovič.
Praź dźvie hadziny tyja ž lejtenanty znoŭ taptalisia la paroha i hrukali ŭ dźviery. U ich była padpisanaja načalnikam pozva. Junak rušyŭ za niazvanymi haściami, kudy klikali — nibyta ŭ 216 kabinet HAUS da majora Nikałajčanki. A voś što adbyłosia paźniej:
— Pasadzili ŭ aŭtamabil, ale advieźli nie ŭ HAUS, a ŭ budynak haradzkoha hatelu «Prypiać», u 304 pakoj. Tut byli troje ludziej ŭ cyvilnym. Paśviedčańnie supracoŭnika KDB pakazaŭ tolki adzin. Dvoje inšych nibyta ihnaravali mianie, hrebavali zaśviedčyć, chto jany i čamu zastajucca tut.
Dapytvali tak zvanym pierakryžavanym metadam: adzin zadaje pytańni, druhi pierapyniaje na paŭsłovie, treci damahajecca, kab ja paŭtaryŭ jahonyja vydumki. U asnoŭnym ich cikavili źviestki pra maju vučobu va ŭniversytecie Polščy.
— Ci maješ ty kantakty z polskimi specsłužbami? — Na hetuju biazhłuździcu ja ŭśmichaŭsia dy maŭčaŭ. Kadebisty pierajšli da pahrozaŭ. Jany ŭzhadvali pra «rasstrelny» artykuł za «zdradu radzimie i špijanaž». Ja admoviŭsia ź imi razmaŭlać, zapatrabavaŭ jurydyčnaha abaroncu. U adzin hołas pryhrazili, kab pra źmiest hutarki nikudy nie paviedamlaŭ. Navat patrabavali raśpisku na harantyju hetaha. «Kali jazyk dzie‑niebudź raźviažaš, to my zrobim ź ciabie druhoha Michajłava! Ni ŭ Biełarusi, ni ŭ Polščy tabie nia budzie žyćcia narmalnaha», — skazaŭ niechta ź ich, kali ja ŭžo byŭ na parozie.
Pra siabie Ihar paviedamiŭ, što ŭ polskim universytecie navučajecca pa specyjalnaści palitolah‑žurnalist. U minułuju vybarčuju kampaniju jon pracavaŭ u kamandzie kandydata ŭ prezydenta Alaksadara Milinkieviča. U sakaviku 2006 hodu byŭ zatrymany i aryštavany na 10 sutak za ŭdzieł u namiotavym lahiery ŭ Miensku.
-
Łukašenka, jaki nie lubić haračyni, skazaŭ, što batarei ŭ kvaterach mohuć hreć i pamieniej
-
«Heta byŭ momant krajniaj bieznadziejnaści». Biełaruski žurnalist raspavioŭ, jak turystam pajechaŭ u Iran i trapiŭ u turmu
-
Źjaviŭsia resurs, dzie možna zručna pravieryć čałavieka ci kanał pa śpisie ekstremistaŭ
Kamientary