Adzin z zasnavalnikaŭ resursu The Pirate Bay Hotfryd Svartcholm budzie vydadzieny Danii, dzie jon paŭstanie pierad sudom pa abvinavačvańni va ŭzłomie baz dadzienych.Pra heta paviedamlaje partał TorrentFreak. Data vydačy pakul nieviadomaja, bo spačatku Svartcholm pavinien dačakacca vierdyktu suda na svajoj radzimie ŭ Šviecyi, dzie jaho taksama sudziać za chakierskuju dziejnaść.
Rašeńnie ab tym, što Svartcholm moža być ekstradavany ŭ Daniju, pryniaŭ sud akruhi Naka. Kali Svartcholma pryznajuć vinavatym u Šviecyi, to data jaho ekstradycyi ŭ Danii budzie zaležać ad atrymanaha na radzimie terminu. Akramia taho, abarona Svartcholma zmoža abskardzić rašeńnie suda.
Svartcholma abvinavačvajuć u kradziažy dadzienych kampanii CSC, źviazanaj z uradam.U liku inšaha, jamu atrymałasia vykraści źviestki, jakija naležali dackaj palicyi. Razam sa šviedam pa spravie prachodzić jaho mierkavany saŭdzielnik - 20-hadovy datčanin, aryštavany 5 červienia.
Siarod vykradzienych źviestak - numary sacyjalnaha strachavańnia miascovych žycharoŭ i infarmacyja ab asobach, jakija adšukvajucca ŭ dziaržavach Šenhienskaj zony.Palicyja taksama nie vyklučaje, što złamyśniki mahli atrymać dostup da dadzienych inšych viedamstvaŭ, adnak paćvierdžańniaŭ hetamu niama. Za złačynstvy, u jakich abvinavacili Svartcholm i jaho saŭdzielnika, dackija zakony praduhledžvajuć da šaści hadoŭ turmy.
Hotfryd Svartcholm byŭ departavany z Kambodžy ŭ Šviecyju vosieńniu 2012 h.Adrazu paśla hetaha jaho abvinavacili ŭ chakierskim napadzie na kampaniju Logica, što zachoŭvała dadzienyja šviedskich padatkovych orhanaŭ.
U krasaviku 2013 hoda jamu taksama pradjavili abvinavačvańni ŭ machlarstvie.
Kamientary