U Mahilovie vyjšła ŭ śviet cikavaja kniha. Heta sučasnaje pieravydańnie «Vopytu apisańnia Mahiloŭskaj hubierni» pad redakcyjaj Alaksandra Dembavieckaha.
U Mahilovie vyjšła ŭ śviet cikavaja kniha. Heta sučasnaje pieravydańnie «Vopytu apisańnia Mahiloŭskaj hubierni» pad redakcyjaj Alaksandra Dembavieckaha.
Sama kniha była vydadziena ŭ 1882—1884 hadach: try tamy nadrukavali ŭ drukarni hubiernskaha praŭleńnia ŭ Mahilovie na Dniapry. Heta ŭnikalnaje vydańnie, dzie apisany ekanomika, kultura, hieahrafija i byt žycharoŭ Mahiloŭskaj hubierni i ŭ XIX stahodździ.
Ideja pieravydańnia naležyć mahiloŭskim uładam, bo ciapier «Vopyt apisańnia Mahiloŭskaj hubierni» — rarytet, jaki jość tolki ŭ muziei i adździele krajaznaŭstva abłasnoj biblijateki. Pieravydańnie dazvolić pašyryć koła ludziej, jakija cikaviacca historyjaj Mahiloŭščyny.
Pieršy tom davoli vialiki — jon utrymlivaje amal 800 staronak. Heta narysy pra vioski, ujezdy i harady, pra pradpryjemstvy, jakija tam jość, a taksama pra pryrodnyja asablivaści, ramiostvy, tradycyi i hetak dalej. Kniha ŭtrymlivaje taksama kartu Mahiloŭskaj hubierni i hraviury. Druhi i treci tamy miarkujecca vydać u nastupnym hodzie.
U Mahiloŭskim abłvykankamie ličać, što pieravydańnie trochtomnika źjaŭlajecca dastojnym układam u spravu ŭšanavańnia pamiaci Alaksandra Dembavieckaha, jaki naprykancy XIX stahodździa bolš za 20 hadoŭ kiravaŭ Mahiloŭskaj hubierniaj. Jon šmat zrabiŭ: imia i spravy Dembavieckaha viadomy mnohim sučasnym mahiloŭcam. Historyki i krajaznaŭcy miarkujuć, što Dembavieckamu treba pastavić pomnik albo nazvać u jaho honar vulicu ŭ abłasnym centry.
Alaksandr Stanisłavavič ličycca najbolš talenavitym kiraŭnikom Mahiloŭščyny svajho času. Hubiernatar Dembaviecki byŭ taksama apiekunom navuk, finansavaŭ archieałahičnyja daśledavańni i paspryjaŭ adkryćciu ŭ Mahilovie historyka‑etnahrafičnaha muzieja. I adna ź jaho asabistych inicyjatyŭ — padrychtoŭka miascovymi siłami knihi pra žyćcio Mahiloŭskaj hubierni.
Ahulny nakład pieravydadzienaha pieršaha toma składaje tolki paŭtysiačy asobnikaŭ. «Vopyt apisańnia Mahiloŭskaj hubierni» trapić u biblijateki i navučalnyja ŭstanovy. A častka nakładu budzie padaravana hanarovym haściam Dnia biełaruskaha piśmienstva, jaki ŭ hetyja vychadnyja dni budzie adznačacca ŭ Škłovie.
Vital z-pad Vilejki, jaki padpaliŭ chatu z ułasnymi dziećmi, zavierbavaŭsia ŭ rasijskaje vojska. I prapaŭ na pieršym ža bajavym zadańni5
Kamientary