Mierc «hłyboka šakavany» pieramohaj «Alternatyvy dla Hiermanii» ŭ Saksonii-Anchalt
Fiederalny kancler Hiermanii Frydrych Mierc prakamientavaŭ vyniki vybaraŭ u ziamli Saksonija-Anchalt, dzie ŭpeŭnienuju pieramohu atrymała pravapapulisckaja partyja «Alternatyva dla Hiermanii» (AdH), piša Deutsche Welle.
Mierc zajaviŭ, što i jaho samoha, i Chryścijanska-demakratyčny sajuz (CHDS) vynik AdH «hłyboka šakavaŭ», bo takoha vysokaha pakazčyka ad hetaj partyi nie čakali.
Mierc nazvaŭ vynik CHDS adnoj z samych ciažkich paraz partyi na vybarach za apošnija dziesiacihodździ. Pavodle jaho, vyniki hałasavańnia važnyja nie tolki dla Saksonii-Anchalt, ale i dla ŭsioj Hiermanii. Kancler pryznaŭ, što CHDS nie moža i nadalej pracavać z raniejšym paradkam dnia i pavinien zrabić adpaviednyja vysnovy.
Jon taksama zajaviŭ pra nieabchodnaść praviadzieńnia ŭ Hiermanii fundamientalnych reformaŭ. Mierc padkreśliŭ, što ŭładam treba bolš efiektyŭna tłumačyć hramadzianam sutnaść hetych źmien, u tym liku źviartajučy ŭvahu na strachi ludziej za budučyniu, ekanamičnuju stabilnaść i sacyjalnuju abaronienaść.
Kancler zapeŭniŭ, što dziaržaŭnyja instytuty Hiermanii zastajucca ŭstojlivymi, a Asnoŭny zakon praciahvaje dziejničać. Jon paabiacaŭ abaraniać kanstytucyju i ŭličvać surjoznaść situacyi paśla pieramohi AdH. Pavodle Mierca, Niamieččyna taksama budzie zachoŭvać ščylnyja suviazi ź inšymi jeŭrapiejskimi krainami.
Pavodle papiarednich aficyjnych vynikaŭ, AdH atrymała ŭ Saksonii-Anchalt 43,8% hałasoŭ. CHDS zaniaŭ druhoje miesca z 17,2%, amal udvaja skaraciŭšy svoj vynik u paraŭnańni z papiarednimi vybarami. SDPH nabrała 9,3%, «Zialonyja» — 8,9%, Levaja partyja — 8,6%, a «Sajuz Sary Vahienkniecht» — 5,3%.
U ziamielny parłamient prajšli šeść partyj. AdH atrymaje 39 z 83 mandataŭ, CHDS — 15, Levaja partyja, «Zialonyja» i SDPH — pa 8, a SSV — 5 miescaŭ. Jaŭka skłała 77,8%. AdH ciapier moža pasprabavać sfarmavać kaalicyju z «Sajuzam Sary Vahienkniecht».
Ultrapravyja ŭpieršyniu paśla padzieńnia Treciaha rejchu atrymali vialikuju pieramohu ŭ Hiermanii. Što heta značyć dla Jeŭropy
«Alternatyva dla Hiermanii» pieramahaje na vybarach u Saksonii-Anchalt
U ofisie palityka ad «Alternatyvy dla Hiermanii» znajšli kubak z nadpisam «Armija Rasii»
U Hiermanii Rasija napiaredadni vybaraŭ zapuściła kampaniju «Matroška»
Ciapier čytajuć
«Tekst prysiahi prahučaŭ tady dvojčy». Statkievič padzialiŭsia ŭspaminami pra prysiahu biełaruskich vajskoŭcaŭ u 1992 hodzie na Dzień bitvy pad Oršaj33
Kamientary
Tut adzin z adkazaŭ čamu taki vynik vybaraŭ.
Chvilinku, raniej vy pisali, što jany ŭlrapravyja. Jašče raniej što krajniepravyja. Ciapier prosta pravyja, ale jašče papulisckija. Niejkaja błytanina, moža varta vyznačycca? I dzie taja miaža, što adnyja partyi papulisckija, a inšyja nie?