Rada Adzinaj lihi VTB siońnia ŭ Kazani zaćvierdziła farmat, skład udzielnikaŭ i rehłamient čempijanatu 2013/2014, u jakim prymuć udzieł 20 baskietbolnych kłubaŭ ź dzieviaci jeŭrapiejskich krain.
Baskietbalisty «Cmokaŭ-Minsk» na pieršym etapie spabornictvaŭ vystupiać u hrupie V, dzie ich supiernikami buduć rasijskija kamandy «Chimki», «Čyrvonyja Kryły» (Samara), CSKA (Maskva), «Tryumf» (Lubiercy), kazachstanskaja «Astana», łatvijski VEF (Ryha), litoŭski «Niaptunas» (Kłajpieda), ukrainski «Azoŭmaš» (Maryupal). Jašče adzin udzielnik hetaj hrupy vyznačycca ŭ bližejšy čas, zamianiŭšy litoŭski «Žalhirys» (Kaŭnas), jaki aficyjna admoviŭsia ad vystupu ŭ lizie VTB.
U hrupu, A ŭvajšli rasijskija kłuby «Spartak» (Sankt-Pieciarburh), «Jenisiej» (Krasnajarsk), Uniks (Kazań), «Łakamatyŭ-Kubań» (Krasnadar), «Nižni Noŭharad», estonski «Kaleŭ» (Talin), litoŭski «Letuvas Rytas (Vilnia), polski «Turaŭ», ukrainski «Danieck» i češski «Nimburk».
Farmat turniru ŭ novym čempijanacie nie źmienicca — paśla zaviaršeńnia dvuchkołavaha turniru ŭ hrupach 12 kłubaŭ vyjduć u płej-of.
Pieramožcy hrup naŭprost trapiać u čverćfinał, a kamandy, jakija zaniali
3-6-je miescy, zhulajuć u 1/8 finału. Rehularny čempijanat startuje ŭ kastryčniku 2013 hoda, a finišuje ŭ sakaviku
2014-ha. Matčy
płej-of projduć u
traŭni-červieni.
Prezident Adzinaj lihi VTB Siarhiej Ivanoŭ paviedamiŭ, što ŭ hetym siezonie čarhovy raz pavialičyŭsia biudžet lihi. 40 młn. rasijskich rubloŭ buduć raźmierkavany pamiž kłubami ŭžo na starcie turniru, a jašče 100 młn. składuć pryzavy fond.
Ciapierašni siezon budzie šostym pa liku, a «Cmoki-Minsk» čaćviorty raz vystupić u Adzinaj lizie VTB. Minčanam jašče ni razu nie ŭdavałasia prabicca ŭ lik udzielnikaŭ płej-of.
Kamientary