Były ŭkrainski ministr Fiodaraŭ uładkavaŭsia daradcam ministra abarony Italii
Były ministr abarony Ukrainy Michaił Fiodaraŭ, jaki niadaŭna sa skandałam byŭ zvolnieny z hetaj pasady, a paśla prademanstravaŭ vyraznyja palityčnyja ambicyi, dla mnohich niečakana pracaŭładkavaŭsia za miažoj.
Michaił Fiodaraŭ paviedamiŭ, što ministr abarony Italii Hvida Krazieta prapanavaŭ jamu stać svaim daradcam pa pytańniach abaronnych inavacyj, i jon daŭ na heta zhodu.
«U hetaj roli budu dapamahać Italii raźvivać technałohii sučasnaj vajny, palapšać śfieru abarony i adaptavacca da novych vyklikaŭ biaśpieki ŭ śviecie», — adznačyŭ Fiodaraŭ.
Padčas asabistaj sustrečy Fiodaraŭ i Krazieta abmierkavali raźvićcio bieśpiłotnikaŭ i aŭtanomnych sistem, srodkaŭ supraćpavietranaj abarony, a taksama farmiravańnie i raźvićcio ekasistemy defense tech — technałohij dla abaronnaj śfiery.
Pry hetym Fiodaraŭ zajaviŭ, što praciahnie pracavać va Ukrainie nad prajektami, jakija ŭzmacniajuć abaronu i dapamahajuć pryciahvać mižnarodnyja resursy, adnak u jakim statusie — nie ŭdakładniŭ.
Michaiła Fiodarava źniali z pasady ministra abarony Ukrainy 15 lipienia. Paśla taho ŭ Kijevie i inšych haradach adbylisia masavyja akcyi ŭ jaho padtrymku, a sam Fiodaraŭ 10 dzion tamu zaklikaŭ pravieści va Ukrainie novyja vybary.
Zialenski raskazaŭ pra kanflikt Fiodarava z Syrskim, jaki pryvioŭ da zvalnieńnia ministra abarony Ukrainy
Były ministr abarony Fiodaraŭ zaklikaŭ pravieści va Ukrainie vybary
Zialenski: Kali my chočam razvalić krainu, to možam ruchacca ŭ napramku vybaraŭ
Statkievič ab pratestach va Ukrainie: Kali vy abrali z takoj pieravahaj prezidenta i adnačasova Viarchoŭnaha hałoŭnakamandujučaha, to dajcie jamu kiravać
Kamientary