Załaty zapas Nacyjanalnaha banka Biełarusi za pieršaje paŭhodździe vyras na 500 kh i dasiahnuŭ 33,8 t, pavodle źviestak na 1 lipienia 2013 hoda. Takaja infarmacyja raźmieščana na aficyjnym sajcie Nacbanka.
Jak rastłumačyli ŭ Nacyjanalnym banku, załaty zapas pavialičyŭsia za košt kupli kaštoŭnych mietałaŭ u Ministerstva finansaŭ, a taksama za košt pierapracoŭki niekandycyjnych źlitkaŭ u bankaŭskija kandycyjnyja, jakija byli zaličany na mietaličnyja rachunki. Pry hetym u płanach u Nacbanka pavieličeńnie załatoha zapasu, niahledziačy na sychodny trend pa zołatu na suśvietnym rynku. Źnižeńnie cen na zołata - časovaja tendencyja, ličać ekśpierty.
Za 2012 hoda załaty zapas Nacyjanalnaha banka pavialičyŭsia na 1,6 t i skłaŭ 33,3 t na 1 studzienia 2013 hoda. U 2011 hodzie załaty zapas Nacyjanalnaha banka Biełarusi vyras na 400 kh.
Załaty zapas Nacbanka Biełarusi vyličvajecca ŭ tonach i ŭklučaje zołata (91,5 pracenta), a taksama sierabro, płacinu i paładyj.
Kamientary