U subotu ŭmovy nadvorja na terytoryi Biełarusi budzie vyznačać vobłaść panižanaha atmaśfiernaha cisku. Miescami čakajucca karotkačasovyja daždžy, navalnicy. U načnyja i ranišnija hadziny ŭ asobnych rajonach cłaby tuman. Viecier paŭnočna-zachodni ŭmierany. Tempieratura pavietra: minimalnaja nočču 11 .. 17°S, maksimalnaja dniom ad 21°S pa paŭnočnym uschodzie da 28°S pa paŭdniovym zachadzie krainy.
U nastupnyja dvoje sutak nadvorje ŭ našaj krainie pačnie palapšacca.
U niadzielu, 28 lipienia, pad upłyvam małaaktyŭnaha atmaśfiernaha frontu ŭ asobnych rajonach jašče projduć nievialikija karotkačasovyja daždžy, nie vyklučany navalnicy. Viecier niaŭstojlivy słaby. U dzionnyja hadziny na krajnija paŭdniova-zachodnija rajony Biełarusi pačnie pastupać bolš ciopłaja pavietranaja masa z poŭdnia Jeŭropy. Tempieratura pavietra: minimalnaja nočču 10 .. 17°S, maksimalnaja dniom 23 .. 28°S, pa paŭdniovym zachadzie Bresckaj i Hrodzienskaj abłaściej 29 .. 31°S.
U paniadziełak, 29 lipienia, Biełaruś u asnoŭnym budzie znachodzicca ŭ poli pavyšanaha atmaśfiernaha cisku. Paŭdniovy zachad krainy apyniecca pad upłyvam vielmi ciopłych pavietranych mas trapičnaha pachodžańnia. Abyjdziecca pieravažna biez apadkaŭ. Viecier nočču niaŭstojlivy słaby, dniom paŭdniova-ŭschodni ŭmierany, pa zachadzie krainy — paryvisty. Tempieratura pavietra: minimalnaja nočču 10 .. 16°S, maksimalnaja dniom 23 .. 29°S; pa paŭdniovym zachadzie nočču 17 .. 19°S, dniom 30 .. 33°S.
