Akcyi «Urałkalija» ŭ aŭtorak ŭpali bolš čym na 24% na navinach ab tym, što kampanija prypyniła prahramu vykupu akcyj buyback u suviazi z tym, što rada dyrektaraŭ kampanii pryniała rašeńnie ab spynieńni ekspartnych prodažaŭ praz «Biełaruskuju kalijnuju kampaniju». Kiraŭnik «Urałkalija» prahnazuje pieryjad vałatylnaści i pieradziełu rynkaŭ kaliju.
U svaju čarhu, na «Biełaruśkalii» prahnazujuć straty ŭ vyniku rašeńnia rasijskaj kampanii, ź jakoj biełarusy raniej byli ŭ handlovym sajuzie.
U vyniku tarhi papierami «Urałkalija» byli prypynienyja ŭ aŭtorak z 14:58 maskoŭskaha času
Rasijski vytvorca kalijnych uhnajeńniaŭ «Urałkalij» čakaje źnižeńnia cenaŭ na chłorysty kalij ź ciapierašniaj spotavaj u rajonie $400 za tonu da nižej za $300, moža navat da $200.Takoje mierkavańnie vykazaŭ žurnalistam hienieralny dyrektar «Urałkalija» Uładzisłaŭ Baŭmhiertner. Tak jon prakamientavaŭ rašeńnie rady dyrektaraŭ «Urałkalija» ab skasavańni ekspartnych prodažaŭ praz «Biełaruskuju kalijnuju kampaniju» (BKK). Ź jahonych słovaŭ vynikaje, što ŭ najbližejšy pieryjad vytvorcy kaliju buduć pavialičvać abjomy vytvorčaści i zmahacca za pieradzieł rynkaŭ.
Kalij — druhaja pa značnaści krynica ekspartnych dachodaŭ dla Biełarusi paśla reekspartu rasijskaj nafty i naftapraduktaŭ, vyrablenych ź jaje. Tamu rašeńnie «Urałkalija» pra dempinh na rynku moža pryvieści da mocnych kataklizmaŭ u finansavaj sistemie Biełarusi.
Padzieńnie dachodaŭ ad ekspartu kaliju moža vyklikać rost deficytu płaciežnaha bałansu i devalvacyju rubla ŭ pierśpiektyvie nastupnaha hoda.
Rada dyrektaraŭ «Urałkalija» abvinavaciła Alaksandra Łukašenku ŭ parušeńni fundamientalnych pryncypaŭ supracoŭnictva.
Kampanija adznačaje, što «supracoŭnictva ź biełaruskimi partniorami ŭ ramkach BKK zajšło ŭ tupik». «Urałkalij» zaŭsiody nastojvaŭ na tym, što ekspartnyja prodažy abodvuch vytvorcaŭ pavinny ažyćciaŭlacca praz adzinuju tavarapravodnuju sietku. Hety
fundamientalny pryncyp supracoŭnictva byŭ parušany z padpisańniem ukaza prezidenta Biełarusi ad 22 śniežnia 2012 h. №566 ab admienie vyklučnaha prava «Biełaruskaj kalijnaj kampanii» na ekspartnyja pastaŭki biełaruskaha kaliju, uśled za jakim rušyli ŭśled faktyčnyja adhruzki «Biełaruśkalija»za ramkami BKK», — tak tłumačyć situacyju «Urałkalij».
«My nieadnarazova źviartali ŭvahu našych biełaruskich partnioraŭ na nieprymalnaść padobnych dziejańniaŭ, u vyniku jakich byli razburany asnovy našaha šmathadovaha plonnaha supracoŭnictva. U hetaj situacyi my vymušanyja pieranakiravać našy ekspartnyja patoki na ŭłasnaha trejdara», — havorycca ŭ paviedamleńni. «Urałkalij» vyrašyŭ spynić ekspartnyja prodažy praz BKK, vyznačyŭ adzinym kanałam ekspartnaha zbytu pradukcyi kampaniju «Urałkalij-Trejdynh».
«Razam z tym, my chacieli b vykazać padziaku našym biełaruskim partnioram za ŭzajemadziejańnie ŭ ramkach BKK. My zastajomsia adkrytymi da jaho mahčymaha adnaŭleńnia na ŭzajemavyhadnaj asnovie ŭ budučyni», — skazaŭ Baŭmhiertner.
Raniej BKK była ekskluziŭnym eksparcioram kalijnych uhnajeńniaŭ vytvorčaści i «Biełaruśkalija» i «Urałkalija». Kampanija była zasnavanaja na parytetnych umovach RUP VA «Biełaruśkalij» i AAT «Urałkalij» u śniežni 2005 hoda, na chvali tahačasnaj vialikajPahadnieńni tych časoŭ mieli častkova palityčnuju metu: zabiaśpiečyć Minsk uskosnymi subsidyjami, kab na Biełarusi spyniłasia chvala kalarovych revalucyj.biełaruska-rasijskaj naftahazakalijnaj antanty.
Na siońnia akcyjanierami BKK źjaŭlajucca biełaruskija dziaržaŭnyja AAT «Biełaruśkalij» (45%), Biełaruskaja čyhunka (5%) i rasijskaje pryvatnaje AAT «Urałkalij» (50%), jakoje kantraluje miljarder Sulejman Kierymaŭ.
Na dolu BKK prypadała 43% suśvietnaha ekspartu chłorkaliju.
U minułym ułaśniki «Urałkalija» nie raz vykazvali žadańnie pryvatyzavać «Biełaruśkalij», adnak canu, vyznačanuju biełaruskim bokam, ličyć zavysokaj.Łukašenka pryznavaŭ, što jamu prapanoŭvali chabar pamieram miljardy dalaraŭ za prodaž biełaruskaj zdabyčy kaliju pa zanižanaj canie. Adnak za takuju karupcyjnuju prapanovu nikoha nie aryštavali.
Rašeńniu Rady dyrektaraŭ «Urałkalija» papiaredničała sustreča jaho kiraŭnictva ŭ biełaruskaj prezidentury.
Paśla taho spatkańnia Alaksandr Łukašenka daŭ zhodu na adstaŭku kiraŭnika BKK Valeryja Ivanova (toj pierasieŭ na vysokuju pasadu namieśnika kiraŭnika Administracyi prezidenta) i pryznačyŭ novaj kiraŭnicaj Alenu Kudraviec. Ivanoŭ byŭ ziemlakom Łukašenki i nabližanym da jaho čałaviekam. Kudraviec — hadavaniec kalijnaj śfiery, z Salihorska.Adnak hety krok, jak vidać, užo nie zadavoliŭ «Urałkalij», jaki maje svaje płany adnosna budučyni.
Aryštavany dyrektar Pałaca Respubliki, adzin z arhanizataraŭ Marafona adzinstva9
Kamientary