Surykaŭ prasiŭ u Hienprakuratury ab vyzvaleńni Baŭmhiertniera

U Hienieralnaj prakuratury 27 žniŭnia na sustrečy z vykanaŭcam abaviazkaŭ hienprakurora Mikałajem Kuklisam pasoł Rasii Alaksandr Surykaŭ vykazaŭ sumnieńnie ŭ zakonnaści zatrymańnia hramadzianina RF Uładzisłava Baŭmhiertniera i chadajničaŭ pra jaho vyzvaleńnie z-pad varty ci pra źmienu jamu miery strymańnia, paviedamili BiełaPAN u Hienprakuratury.

Kuklis rastłumačyŭ rasijskamu dypłamatu padstavy raspačynańnia kryminalnaj spravy i zatrymańnia Baŭmhiertniera, a taksama skazaŭ, što chadajnictva pasła budzie razhledžana Hienieralnaj prakuraturaj va ŭstanoŭlenym zakonam paradku.

Pasolstva Rasii budzie infarmavana pra vyniki razhladu chadajnictva.

Pra zatrymańnie Uładzisłava Baŭmhiertniera paviedamiŭ 26 žniŭnia Śledčy kamitet Biełarusi. U dačynieńni da hiendyrektara «Urałkalija», jaki źjaŭlajecca staršynioj naziralnaha savieta ZAT «Biełaruskaja kalijnaja kampanija», a taksama člena naziralnaha savieta ZAT «BKK» Aleha Piatrova, pieršaha namieśnika hiendyrektara Kanstancina Saładoŭnikava, namieśnika hiendyrektara pa finansach Ihara Jaŭstratava, načalnika frachtovaha adździeła Dźmitryja Samojłava i inšych asob raspačaty spravy na padstavie č. 3 art. 424 Kryminalnaha kodeksa (złoŭžyvańnie ŭładaj i słužbovymi paŭnamoctvami). Padstavaj dla hetaha stali materyjały pra ŭčynieńnie imi jaŭnych złoŭžyvańniaŭ słužbovymi paŭnamoctvami ŭ karyślivych metach, jakija paciahnuli naniasieńnie značnaha ŭronu dziaržaŭnym i hramadskim intaresam krainy, a taksama naniasieńnie ŭronu ŭ asabliva bujnym pamiery AAT «Biełaruśkalij» i ZAT «BKK».

Učora vyśvietliłasia, što Baŭmhiertnier znachodziŭsia ŭ Biełarusi pavodle zaprašeńnia kiraŭnika biełaruskaha ŭrada. Načalnik upraŭleńnia pa suviaziach z hramadskaściu «Urałkalija» Alaksandr Babinski paviedamiŭ, što akramia Uładzisłava Baŭmhiertniera ŭ Minsk zaprašalisia staršynia savieta dyrektaraŭ «Urałkalija» Alaksandr Vałošyn i akcyjanier kampanii Sulejman Kierymaŭ. Biełaruski bok prapanavaŭ razhledzieć pytańni, źviazanyja z pracaj ZAT «BKK». Vałošyn i Kierymaŭ pryjechać na sustreču nie zmahli.

Zatrymańnie Baŭmhiertniera, jakoje adbyłosia ŭžo paśla pieramoŭ, va «Urałkalii» rasceńvajuć jak «hrubuju pravakacyju», zajaviŭ Babinski.

• 0
• 0
• 0
• 0
• 0
• 0
• 0
• 0