Pra heta zajaviŭ 4 vieraśnia va Ułan-Batary prem'jer-ministr Biełarusi Michaił Miaśnikovič na sustrečy sa staršynioj Vialikaha dziaržaŭnaha churała Manholii Zandachuhijnam Enchbołdam, paviedamlaje pres-słužba biełaruskaha ŭrada.
Pavodle słoŭ prem'jer-ministra, Biełaruś razhladaje Manholiju ŭ jakaści pierśpiektyŭnaha partniora ŭ Azijacka-Cichaakijanskim rehijonie. «My zacikaŭlenyja ŭ pavieličeńni pastavak siudy techniki, hatovy stvaryć zboračnyja vytvorčaści aŭtobusaŭ i traktaroŭ, a taksama servisnyja centry pa ich absłuhoŭvańni», — skazaŭ Miaśnikovič. Jon adznačyŭ zacikaŭlenaść krainy ŭ realizacyi sumiesnych prajektaŭ u hornazdabyŭnoj pramysłovaści, paliŭna-enierhietyčnaj i inšych śfierach. Jak było adznačana na sustrečy, u apošnija hady skłalisia spryjalnyja ŭmovy dla bolš vysokaha ŭzroŭniu raźvićcia adnosinaŭ Biełarusi i Manholii.
Za apošnija 5 hadoŭ tavaraabarot pamiž krainami pavialičyŭsiaamal u 15 razoŭ. Abjom handlu tavarami i pasłuhami za 2012 hod skłaŭ 114,7 młn. dołaraŭ. U studzieni-červieni 2013 hoda ekspart biełaruskich tavaraŭ u Manholiju skłaŭ 73,1 młn. dołaraŭ (temp rostu da anałahičnaha pieryjadu 2012 hoda — 262,1%).
Pavodle słoŭ Miaśnikoviča, Biełaruś hatova pastaŭlać u Manholiju ŭsie vidy pradukcyi mašynabudavańnia: darožna-budaŭničuju, kamunalnuju, karjernuju i sielskahaspadarčuju techniku. «My sa svajho boku hatovy padklučyć schiemy
finansavańnia, patańnieńnia pracentnaj staŭki. Pry vašaj padtrymcy hatovy iści na stvareńnie sumiesnych pradpryjemstvaŭ u halinie mašynabudavańnia», — zajaviŭ jon.
U jakaści dalejšaj mety biełaruski bok abaznačyŭ pieradaču technałohij i arhanizacyju paŭnacennych mašynabudaŭničych zavodaŭ u Manholii.
Kamientary