Hrošy pojduć na adviazku ad rasiejskich enierhanośbitaŭ.
U elektraenierhietyku Biełarusi ŭ 2008 hodzie płanujecca invieściravać Br1,3 trłn, paviedamiŭ načalnik hałoŭnaha ŭpraŭleńnia inviestycyjnaha raźvićcia Minenierhietyki Uładzimir Babroŭ. U biahučym hodzie praduhledžany abjom inviestycyj Br1,049 trłn. Pryjarytetnym napramkam u halinie źjaŭlajecca madernizacyja asnoŭnych vytvorčych fondaŭ dla pavyšeńnia efiektyŭnaści enierhietyčnaj vytvorčaści i adpaviedna źnižeńnia spažyvańnia resursaŭ. U liku samych bujnych prajektaŭ jon nazvaŭ budaŭnictva parahazavaha błoka mahutnaściu 230 MVt na Minskaj CEC-3, rekanstrukcyju z vykarystańniem kitajskich inviestycyj Minskaj CEC-2 i inšyja.
Važnym napramkam źjaŭlajecca i ŭciahnieńnie ŭ paliŭny bałans draŭnianaha paliva, hidra- i vietraenierhietyčnych resursaŭ, a taksama inšych alternatyŭnych i adnaŭlalnych krynic enierhii. U halinie ŭžo ŭviedziena 5 z zapłanavanych 10 demanstracyjnych abjektaŭ na miascovych vidach paliva. U pryvatnaści, efiektyŭna pracuje kacioł na lihninie na Babrujskaj CEC-1, Asipovickaja mini-CEC na draŭnianym palivie.
U metach dyviersifikacyi pastavak enierharesursaŭ u Biełarusi płanujecca ŭ pierśpiektyvie pabudavać taksama stancyi na vuhali, pačać budaŭnictva atamnaj elektrastancyi.
Ciapier čytajuć
«Vy pryjšli siudy łochami, a staniecie drapiežnikami». Jak pracujuć minskija koł-centry skamieraŭ5
Kamientary