Urad Ukrainy 18 vieraśnia ŭchvaliŭ prajekt pahadnieńnia ab asacyjacyi ź Jeŭrapiejskim Sajuzam. Pra heta paviedamlaje pres-słužba Kabinieta ministraŭ.
U paviedamleńni pryvodziacca słovy kiraŭnika pradstaŭnictva Jeŭrapiejskaha Sajuza va Ukrainie Jana Tambinskaha ab tym, što dakumient byŭ uchvaleny adnahałosna.
«Ja nie baču pryčyn dla zryvu padpisańnia pahadnieńnia ab asacyjacyi z boku Jeŭrapiejskaha Sajuza, asabliva paśla siońniašniaha rašeńnia Ukrainy», — padkreśliŭ dypłamat, dadaŭšy, što heta — «vielmi važny i rašučy krok ŭkrainskaha ŭrada».
Premjer-ministr Mikałaj Azaraŭ, adkryvajučy siońniašniaje pasiadžeńnie, zajaviŭ, što padpisańnie pahadnieńnia ab asacyjacyi ź ES «paspryjaje paśladoŭnamu ruchu Ukrainy da jeŭrapiejskaj jakaści žyćcia».
Premjer padkreśliŭ, što hety dakumient źjaŭlajecca «darožnaj kartaj» na šlachu da toj krainy, jakuju chočuć bačyć bolšaść ukraincaŭ.
Prajekt pahadnieńnia zajmaje 236 staronak i praduhledžvaje, u tym liku, stvareńnie zony svabodnaha handlu ź ES. U dakumiencie prapisana, što metami asacyjacyi źjaŭlajucca: sadziejničańnie pastupovamu zbližeńniu bakoŭ, pahłybleńnie udziełu Ukrainy ŭ palitycy, prahramach i ahienctvach Jeŭrasajuza (ale heta nie aznačaje, što Ukraina abaviazkova stanie siabram ES u budučyni) .
Mižviedamasnaje ŭzhadnieńnie prajekta pahadnieńnia było zavieršana ŭ žniŭni. U bližejšy čas dakumient pieradaduć prezidentu Ukrainy Viktaru Janukoviču.
Kijeŭ spadziajecca padpisać pahadnieńnie ŭ chodzie samitu Uschodniaha partniorstva 28–29 listapada ŭ Vilni.
Hladzi taksama: Łahviniec: Prastora dla manieŭraŭ u Łukašenki zvužajecca
Kamientary