Урад Украіны 18 верасня ўхваліў праект пагаднення аб асацыяцыі з Еўрапейскім Саюзам. Пра гэта паведамляе прэс-служба Кабінета міністраў.
У паведамленні прыводзяцца словы кіраўніка прадстаўніцтва Еўрапейскага Саюза ва Украіне Яна Тамбінскага аб тым, што дакумент быў ухвалены аднагалосна.
«Я не бачу прычын для зрыву падпісання пагаднення аб асацыяцыі з боку Еўрапейскага Саюза, асабліва пасля сённяшняга рашэння Украіны», — падкрэсліў дыпламат, дадаўшы, што гэта — «вельмі важны і рашучы крок ўкраінскага ўрада».
Прэм’ер-міністр Мікалай Азараў, адкрываючы сённяшняе пасяджэнне, заявіў, што падпісанне пагаднення аб асацыяцыі з ЕС «паспрыяе паслядоўнаму руху Украіны да еўрапейскай якасці жыцця».
Прэм’ер падкрэсліў, што гэты дакумент з’яўляецца «дарожнай картай» на шляху да той краіны, якую хочуць бачыць большасць украінцаў.
Праект пагаднення займае 236 старонак і прадугледжвае, у тым ліку, стварэнне зоны свабоднага гандлю з ЕС. У дакуменце прапісана, што мэтамі асацыяцыі з’яўляюцца: садзейнічанне паступоваму збліжэнню бакоў, паглыбленне удзелу Украіны ў палітыцы, праграмах і агенцтвах Еўрасаюза (але гэта не азначае, што Украіна абавязкова стане сябрам ЕС у будучыні) .
Міжведамаснае ўзгадненне праекта пагаднення было завершана ў жніўні. У бліжэйшы час дакумент перададуць прэзідэнту Украіны Віктару Януковічу.
Кіеў спадзяецца падпісаць пагадненне ў ходзе саміту Усходняга партнёрства 28–29 лістапада ў Вільні.
Глядзі таксама: Лагвінец: Прастора для манеўраў у Лукашэнкі звужаецца
Цяпер чытаюць
Затрымалі чарговага чалавека года Віцебшчыны, дэпутата Віцебскага аблсавета Дзмітрыя Калягу5
Затрымалі чарговага чалавека года Віцебшчыны, дэпутата Віцебскага аблсавета Дзмітрыя Калягу
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх1919
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх19
«Да лейтэнанта прыехала маладая жонка, пабачыла, што адбываецца ў зоне, і застрэлілася». Выйшла заключная частка ўспамінаў Рыгора Бярозкіна пра ГУЛАГ і савецкі Мінск1818
Каментары