«Ščaślivaj dolu nazavi…» — viečaryna da 70-hodździa paetki Niny Maciaš

20 vieraśnia 2013 u Centralnaj navukovaj biblijatecy imia Ja. Kołasa NAN Biełarusi adbudziecca viečaryna «Ščaślivaj dolu nazavi…», pryśviečanaja 70-hodździu z dnia naradžeńnia paetki, pierakładčycy, hramadskaj dziajački Niny Maciaš (20.09.1943–19.12.2008).

Arhanizatarami mierapryjemstva vystupili Centralnaja navukovaja biblijateka imia Jakuba Kołasa NAN Biełarusi i Dziaržaŭny muziej historyi biełaruskaj litaratury.

Paezii Niny Maciaš ułaścivyja mudryja paraŭnańni, paraleli, asacyjacyi, pryhoža i harmanična suisnujuć razam roznyja supraćlehłyja fiłasofskija paniaćci: ziamnoje i boskaje, rečaisnaść i duchoŭnaść, askietyzm, samapahłybleńnie i čałaviečaja adkrytaść śvietu.

Dziakujučy Ninie Maciaš — talenavitamu pierakładčyku, čytačy paznajomilisia z tvorčaściu Ž. Aliŭje, Ž. Simianona, A. de S.-Ekziupiery, F. Žakmena, Ł. Kastenki, V. Šymborskaj u pierakładach na biełaruskuju movu.

U litaraturnaj skarboncy piśmieńnicy taksama knihi dla dziaciej, telescenaryi i teatralnyja pjesy. Niekatoryja vieršy paetki pakładzieny na muzyku prafiesijnymi i samadziejnymi kampazitarami.

Da imprezy Biblijateka padrychtavała vystavu «Ahmień jaje dušy», na jakoj pradstaŭleny paetyčnyja zborniki N. Maciaš «Ahoń» (1970), «Udziačnaść» (1973), «Ralla surovaja» (1976), «Pryručeńnie viasny» (1979), «Poŭny kielich» (1982), «Ščaślivaj dolu nazavi» (1990), «Bohava dreva» (2004), publikacyi jaje vieršaŭ u litaraturnych časopisach, pierakłady tvoraŭ piśmieńnicy na inšyja movy śvietu, a taksama jaje znakamityja jerakładčyckija pracy.

U asobnym raździele vystavy pradstaŭleny litaratura ab žyćci paetki Niny Maciaš i litaraturaznaŭčyja artykuły pa jaje tvorčaści.

U viečarynie prymuć udzieł siabry Niny Maciaš, viadomyja biełaruskija piśmieńniki, navukoŭcy, žurnalisty, navučency roznych navučalnych ustanoŭ Minska.

Adras: vuł. Surhanava, 15, infarmacyjna-vystavačny centr, 1 pavierch, p. 110.

Pačatak a16-j hadzinie.

Kantaktnyja asoby:

+375 17 334 56 21 Lidzija Šahojka, zahadčyk adździeła navukovaj aśviety Dziaržaŭnaha muzieja historyi biełaruskaj litaratury.

+375 17 284 10 31 Alena Jacyna, zahadčyk adździeła socyjakulturnaj i infarmacyjnaj dziejnaści Centralnaj navukovaj biblijateki NAN Biełarusi.

+375 17 284 14 75 Nina Kamarova, zahadčyk adździeła absłuhoŭnia čytačoŭ Centralnaj navukovaj biblijateki NAN Biełarusi.

• 0
• 0
• 0
• 0
• 0
• 0
• 0
• 0