Pajšoŭ z žyćcia były staršynia KDB Hienadź Łavicki
Hienadź Łavicki uznačalvaŭ Kamitet dziaržaŭnaj biaśpieki Biełarusi ź lutaha pa lipień 1994 hoda. Jon pamior 18 vieraśnia na 72-m hodzie žyćcia paśla ciažkaj chvaroby.
«Pra toje, što Hienadź Michajłavič pajšoŭ z žyćcia, mnie paviedamiła jaho žonka, — raspavioŭ były padpałkoŭnik KDB Valer Kostka. — Heta adbyłosia ŭ sieradu, paśla ciažkaj chvaroby. Raźvitańnie budzie nočču doma, a taksama 20 vieraśnia ŭ Kłubie imia Dziaržynskaha. U piatnicu adbudziecca pachavańnie».
Apošnija hady eks-staršynia KDB vialikuju častku času pravodziŭ na leciščy. Pavodle słovaŭ znajomych, byŭ aktyŭnym i dynamičnym. Kostka adznačaje, što pra Łavickaha ŭ jaho samyja lepšyja ŭspaminy:
«U pačatku 90-ch my paznajomilisia na chvali abmierkavańniaŭ reformy KDB. Jon uvažliva pastaviŭsia da maich prapanovaŭ, paśla čaho my pačali kantaktavać. Usie hetyja hady jon zastavaŭsia nieabyjakavym čałaviekam.
My rehularna abmiarkoŭvali biahučuju situacyju i maje artykuły ŭ ŚMI. Sychodzilisia ŭ mierkavańni, što śpiecsłužby pavinny dbać pra biaśpieku hramadzianina, hramadstva, dziaržavy, a nie zajmacca palityčnym vyšukam, zasiarodziŭšysia na tym, jak utrymać uładu».
Hienadź Łavicki (naradziŭsia ŭ 1942 h. u Sieńnienskim rajonie) uznačalvaŭ KDB ź lutaha pa lipień 1994 hoda. Pajšoŭ u adstaŭku ŭ suviazi z parazaj na prezidenckich vybarach kandydata Viačasłava Kiebiča, jakoha jon padtrymlivaŭ. U kastryčniku 1995 byŭ pryznačany pasłom Biełarusi ŭ Izraili. 21 studzienia 2004 h. vyzvaleny ad pasady.
Što zapisana aficyjnaj pryčynaj śmierci adzinaha syna Jarmošynaj?8
Kamientary