Kampanija siabroŭ ź Vialikabrytanii pastaviła rekord pa naviedvańni pabaŭ za 40 hadoŭ
Kolkaść vypitaha ŭražvaje.
Hrupa siabroŭ ź Vialikabrytanii ŭstanaviła niezvyčajny rekord, naviedaŭšy bolš za 23 000 pabaŭ i vypiŭšy 56 000 kuflaŭ piva za apošnija 40 hadoŭ, piša Bild.
Pačaŭšy svajo padarožža ŭ 1984 hodzie, udzielniki kłuba Black Country Ale Tairsters pieratvaryli svoj zapał da piva i padarožžaŭ u dabračynny prajekt, źbirajučy achviaravańni ŭ kožnym pabie.
Zasnavalnik kłuba 68-hadovy Piter Chił raspavioŭ, što za hety čas jon naviedaŭ amal usie paby ŭ Anhlii i navat abśledavaŭ 69 vyspaŭ Vialikabrytanii z pabami, patraciŭšy na heta piać hadoŭ. Zaraz u kłubie 16 členaŭ.
U 2000 hodzie kamanda ŭžo adznačyłasia ŭ Knizie rekordaŭ Hiniesa za samaja vialikaja kolkaść naviedanych pabaŭ u Anhlii (tady ich było tolki dzieviać tysiač). U hetym hodzie Piter zaviaršyŭ jašče adnu metu — naviedaŭ 4500 pabaŭ, zhadanych u viadomym piŭnym hidzie Campaign for Real Ale.
Niahledziačy na ŭzrost, siabry nie źbirajucca spyniacca. Piter kaža, što jamu padabajecca spałučeńnie padarožžaŭ, dehustacyi piva i dapamohi inšym. Ciapier kamanda nacelena na zavajavańnie jašče 20 000 pabaŭ.
Biełaruska ŭładkavałasia ŭ kandytarskuju kramu. Ale vyśvietliłasia, što za naviedvańnie tualeta joj treba płacić1
Kamientary