Nastaŭnica sa Žłobina vyjhrała va ŭkrainskim šou «Raśśmiašy komika» — videa
Nastaŭnica historyi Biełarusi sa Žłobina Maryna Baryskava vyjhrała va ŭkrainskim humarystyčnym televizijnym konkursie «Raśśmiašy komika» 50 tys. hryŭniaŭ (55 młn biełaruskich rubloŭ).
Šou źjaviłasia 19 lutaha 2011 h. na ŭkrainskim telekanale «Inter». Zaraz idzie piaty siezon. Anałahi šou jość u Rasii, Armienii, Litvie i Kazachstanie.
Meta ŭdzielnika — luboj canoj prymusić žury zaśmiajacca ci chacia b ŭśmichnucca.
Heta nieabchodna paśpieć zrabić za adnu chvilinu. Kali ŭdzielniku heta atrymoŭvajecca, to jon vyjhraje adnu tysiaču hryŭniaŭ, paśla čaho maje prava albo zabrać hrošy i syści, abo ŭziać jašče adnu chvilinu, kab praciahnuć vystup i vyjhrać bolš.
Kali ŭdzielnik praciahvaje hulniu, u jaho jość nastupnaja chvilina, kab raśśmiašyć komikaŭ.
Kali jamu heta znoŭ atrymoŭvajecca, to jon vyjhraje ŭžo piać tysiač hryŭniaŭ. Kali niama — jon sychodzić ni z čym. Nastupnaj sumaj źjaŭlajecca dziesiać tysiač hryŭniaŭ, dalej — dvaccać, paśla čaho možna zarabić 50 000 hryŭniaŭ.
Kali ŭdzielnik prajhraje na jakim-niebudź z hetych etapaŭ hulni, to jon hublaje ŭvieś vyjhryš.
Ciapier čytajuć
Na vajskovyja zbory masava zabirajuć hrodziencaŭ. A što minčuki? Padrychtujciesia, vaša čarha — 2027‑2028 hady5
Na vajskovyja zbory masava zabirajuć hrodziencaŭ. A što minčuki? Padrychtujciesia, vaša čarha — 2027‑2028 hady
«Mama, davaj napišam zajavu ŭ milicyju, jon mianie ŭžo dastaŭ». Maci školnika z Bresta, jaki skončyŭ žyćcio samahubstvam, raskazała pra ckavańnie syna2929
Kamientary