Padpisany ŭkaz, jaki źmianiaje praviły praviadzieńnia rekłamnych hulniaŭ
Alaksandr Łukašenka 7 kastryčnika padpisaŭ ukaz № 458, jaki praduhledžvaje źmianieńnie praviłaŭ praviadzieńnia rekłamnych hulniaŭ u Respublicy Biełaruś.
Jak paviedamlaje pres-słužba kiraŭnika dziaržavy, «źmieny skiravanyja na abaronu pravoŭ i intaresaŭ spažyŭcoŭ, a taksama vyklučeńnie mahčymych złoŭžyvańniaŭ z boku arhanizataraŭ takich hulniaŭ».
Ukaz uvodzić zabaronu na ŭdzieł u rekłamnaj hulni asob, jakija znachodziacca ŭ pracoŭnych adnosinach ź jaje arhanizataram, a taksama ich muža (žonki), blizkich svajakoŭ i asob, jakija znachodziacca z takimi asobami ŭ adnosinach svajactva.
Udakładniajecca paradak farmiravańnia pryzavoha fondu rekłamnaj hulni i vykarystańnia hetaha fondu, u tym liku hrašovych srodkaŭ, tavaraŭ (rabot, pasłuh), nie zapatrabavanych pieramožcami ŭ jakaści vyjhryšu.
Z momantu farmiravańnia pryzavoha fondu da zakančeńnia jaho rozyhryšu arhanizatar i zacikaŭlenyja asoby nie majuć prava rasparadžacca pryzavym fondam. Srodki fondu pavinny vykarystoŭvacca tolki pa metavym pryznačeńni.
Zhodna z ukazam adpraŭka SMS-paviedamleńnia ci paštovaha adpraŭleńnia, praduhledžanaja praviłami rekłamnaj hulni, pavinna ažyćciaŭlacca pa minimalnych taryfach na hety vid pasłuhi.
Heta norma dazvolić vyklučyć atrymańnie arhanizatarami rekłamnych hulniaŭ biespadstaŭnych dachodaŭ ad pavyšeńnia taryfaŭ na pasłuhi suviazi, tłumačyć pres-słužba prezidenta.
Aprača taho, u adpaviednaści z ukazam na arhanizatara ŭskładajecca adkaznaść za praŭdzivaść davanych dla dziaržaŭnaj rehistracyi rekłamnaj hulni dakumientaŭ i źviestak, a taksama za dapuščanyja kamisijaj, stvoranaj dla praviadzieńnia rekłamnaj hulni, parušeńni zakanadaŭstva, vyjaŭlenyja pry praviadzieńni takoj hulni.
Ciapier čytajuć
Vital z-pad Vilejki, jaki padpaliŭ chatu z ułasnymi dziećmi, zavierbavaŭsia ŭ rasijskaje vojska. I prapaŭ na pieršym ža bajavym zadańni1
Kamientary