Muzyka88

Naš Vierdzi: słavutamu kampazitaru — 200 hadoŭ. Piša Siarhiej Rusiecki

200 hadoŭ spaŭniajecca 10 kastryčnika adnomu z samych papularnych kampazitaraŭ u śviecie – Džuzepe Vierdzi.

Siarod 26 opier hetaha syna viaskovaha šynkara jość šedeŭry i jaŭnyja niaŭdačy, ale mienavita jaho tvory zasłužyli luboŭ publiki va ŭsim śviecie i składajuć asnovu repiertuara ŭsich opiernych teatraŭ. Biełaruskaja Opiera nie vyklučeńnie.

Naš teatr doŭhi čas mieŭ reputacyju teatra vierdzijeŭskaha – teatra, u jakim Vierdzi zajmaje vialikaje miesca, teatra, u jakim umiejuć jaho vykonvać, bahataha na vierdzijeŭskija hałasy.

U historyju našaj Nacyjanalnaj opiery załatymi litarami ŭpisany vydatnyja pastanoŭki vierdzijeŭskich opier i ich vykanaŭcaŭ.

Čaho varta chacia b pastanoŭka «Aidy», zroblenaja Łarysaj Aleksandroŭskaj u 1953 hodzie, jakaja bolš za paŭstahodźzia išła na scenie hałoŭnaha teatra krainy.

U hetym śpiektakli adny ź lepšych u svaich karjerach vobrazaŭ ŭ roznyja hady stvarali lepšyja biełaruskija śpievaki – Sofja Drukier (Aida), Lidzija Hałuškina i Śviatłana Daniluk (Amnerys) i inš. Vielizarniejšy aŭtarytet zavajavaŭ naš teatr, pastaviŭšy ŭ 1964 hodzie «Ateła» (rež. D.Smolič), u hałoŭnych partyjach blistaŭ hienijalny Zinovij Babij i vartyja jaho partniory – Tamara Šymko, Ninel Tkačenka (Dezdemona), Ihar Sarokin (Jaha) i inš.

Opiernymi lehiendami stali vykanaŭcy «Travijaty» roznych pakaleńniaŭ – u davajennaj pastanoŭcy nie było roŭnych Łarysie Alaksiejevaj (Vijaleta) i Isidaru Bałocinu (Alfred), hodnaj estafietaj dla ich stali adpaviedna Tamara Nižnikava i Valeryj Hłušakoŭ.

U 1970-80-ja hady ŭ biełaruskim teatry ŭ opierach Vierdzi pracavali takija vydatnyja artysty jak Arkadź Saŭčanka, Juryj Bastrykaŭ, siońniašniaja suśvietnaja znakamitaść Maryja Hulehina i mnohija inšyja. Byŭ pastaŭleny «Don Karłas» (1979, rež. M.Izvorska), a taksama «Bal-maskarad» (1988, rež. S. Štejn).

U apošnija dva dziesiacihodździ našaja vierdzijeŭskaja słava ŭmacoŭvałasia siłami Natalli Rudnievaj, Nahimy Halejevaj, Tamary Hłaholevaj, Ireny Žurko, Taćciany Knutovič, Marata Hryhorčyka, Mikałaja Majsiejenki i šmat kaho jašče. Siońnia paśpiachova vystupajuć narodnyja artysty Biełarusi Uładzimir Piatroŭ (vydatny Nabuka, Žorž Žermon, Hraf dzi Łuna i inš.) i Siarhiej Frankoŭski (nieparaŭnalny Hiercah i Manryka), zasłužanaja artystka Respubliki Biełaruś Nina Šarubina (bliskučaja Abijhajl, Aida, Amielija), Stanisłaŭ Tryfanaŭ (mocny Nabuka, Amanasra, Renata) i mnohija inšyja – jość ad kaho atrymać vialikaje zadavalnieńnie, šukajcie ich imiony ŭ prahramach.

Siońnia ŭ Miłanie i Ńju-Jorku, Vienie i Maskvie, Paryžy i Łondanie, Vilni i Kijevie – pa ŭsim śviecie ŭ bolš-mienš opiernych haradach, dzie jość teatr, jaki siabie pavažaje, adbuducca ŭračystaści z nahody jubileja słaŭnaha kampazitara, jaki ŭsio svajo doŭhaje i dramatyčnaje žyćcio imknuŭsia da narodnaści svaich tvoraŭ i dabiŭsia jaje.

Kancerty, premjery novych pastanovak ci prosta śpiektakli. Naš teatr jakraz haniebna daje «prosta śpiektakl», nivodnym słovam nie ŭspomniŭšy jubilej ci prymierkavaŭšy śpiektakl da jaho. Teatr zrabiŭ staŭku na jubilej inšaha vialikaha opiernaha kampazitara, antahanista Vierdzi – Rycharda Vahniera i rychtuje premjeru «Latučaha hałandca», što adbudziecca ŭ śniežni. Ambitnyja płany.

Tak ci inakš siońnia viečaram u opiernym budzie «Nabuka» i lepšym padarunkam nam i samomu jubilaru budzie vystupleńnie ŭ svajoj karonnaj partyi – partyi Abihajl, ci nie samaj składanaj partyi dla saprana ŭ suśvietnym opiernym repiertuary, Niny Šarubinaj, lepšaj biełaruskaj opiernaj artystki apošniaha času. U partyi Nabuka – lubimiec publiki Uładzimir Piatroŭ. Zahučyć «Va, pensiero», pieśnia svabody. 

 

Kamientary8

 
Naciskańnie knopki «Dadać kamientar» aznačaje zhodu z rekamiendacyjami pa abmierkavańni.

Ciapier čytajuć

Padryŭ «Paŭnočnaha patoku»: stali viadomyja kulisy dziorzkaj dyviersii, rola Załužnaha i Polščy10

Padryŭ «Paŭnočnaha patoku»: stali viadomyja kulisy dziorzkaj dyviersii, rola Załužnaha i Polščy

Usie naviny →
Usie naviny

305 rubloŭ za cukarnicu, 456 za zavarnik: ceny ŭ anłajn-kramie Śviata-Jelisaviecinskaha manastyra šakujuć18

Apieracyja pa pošuku sałdataŭ ZŠA, što pravalilisia ŭ bałota ŭ Litvie, doŭžyłasia ŭsiu noč2

Hety maleńki źviarok moža raskryć sakret baraćby sa stareńniem5

«Rychtavacca da najhoršaha»: Makron zajaviŭ, što ŭ Paryžy abmiarkoŭvali płany padtrymki Ukrainy biez ZŠA2

Biełarusy vykupili pad Minskam dzieviać učastkaŭ, kab žyć ciesnaj kampanijaj. Adno miesca jašče vakantnaje18

U niejrasietku GPT dadali vizualny hienieratar. Pahladzicie, što jon moža20

Kot parody mejn-kun staŭ rekardsmienam Knihi Hiniesa dziakujučy svajmu chvastu1

Pucin histaryčna arhumientavaŭ płany Trampa anieksavać Hrenłandyju3

U Biełaruś znoŭ prylacieła nilskaja huś. Ale radavacca tut niama čamu3

bolš čytanych navin
bolš łajkanych navin

Padryŭ «Paŭnočnaha patoku»: stali viadomyja kulisy dziorzkaj dyviersii, rola Załužnaha i Polščy10

Padryŭ «Paŭnočnaha patoku»: stali viadomyja kulisy dziorzkaj dyviersii, rola Załužnaha i Polščy

Hałoŭnaje
Usie naviny →

Zaŭvaha:

 

 

 

 

Zakryć Paviedamić