U suviazi z dušpastyrskaj nieabchodnaściu i realnaj mahčymaściu, paśla kansultacyj sa śviatarami stalicy i zychodziačy z realnaj situacyi, dekretam Mitrapalita Tadevuša Kandrusieviča ŭviedzieny novy padzieł na parafii ŭ Minsku. Taksama Minsk padzieleny na dva dekanaty: Minsk-Zachad i Minsk-Uschod, paviedamlaje catholic.by.
U dekanat Minsk-Zachad uvajšli parafii: Imia Najśviaciejšaj Panny Maryi, Najśviaciejšaj Trojcy (Sv. Rocha) na Załatoj Horcy, Śviatych Symona i Aleny, Uzvyšeńnia Śviatoha Kryža (Kalvaryja), Sv. Antonija (Malinaŭka), Biezzahannaha Začaćcia Najśviaciejšaj Panny Maryi (Sucharava), Maci Božaj Budsłaŭskaj (Kamiennaja Horka), Sv. Jana Jevanhielista i sv. Maksimiljana Kolbe (Kuncaŭščyna), Svv. Apostałaŭ Piatra i Paŭła i sv. Jaŭhiena de Mazeno, a taksama parafija Baharodzicy Apiakunki siemjaŭ u p. Ždanovičy i parafija Naradžeńnia Najśviaciejšaj Panny Maryi ŭ h. Zasłaŭje.
U dekanat Minsk-Uschod uvajšli parafii: Maci Božaj Ružancovaj (Łošyca), Śviatoha Ducha (Čyžoŭka), Sv. Jana Chryściciela (Sierabranka), Božaha Cieła, Chrysta Zbaŭcy (Šabany), Sv. Franciška Asizskaha (Uručča), Sv. Andreja Apostała i sv. Leapolda Mandziča (Uručča), parafija Maci Božaj Łaretanskaj (m-n Sokał), a taksama parafija Sv. Michała Archanioła ŭ p. Hatava, parafija Maci Božaj Zorki Jevanhielizacyi ŭ v. Siniło, parafija Najśviaciejšaj Panny Maryi Uspamohi chryścijanaŭ u p. Baraŭlany, parafija Sv. Maćvieja ŭ v. Raŭbičy.
Raniej Minsk dzialiŭsia na piać dekanataŭ: Archikatedralny (11 parafij), Załatahorski (13 parafij), Sierabrankaŭski (16 parafij), Kalvaryjski (7), Paŭdniova-Zachodni (10) i ŭsiaho naličvaŭ 57 parafij.
Jak bačna kolkaść parafij źmienšana da 23, heta bolš čym u dva razy.
U suviazi ź dzialeńniem Minska na dva dekanaty pryznačany dva novyja dekany.
Dekanam dekanatu Minsk-Zachad staŭ ks. Uładzisłaŭ Zavalniuk, dekanam Minsk-Uschod — ks. Jan Kremis.
«Na rozdum dali paŭhadziny». Nastaŭnicy z Połacka daviałosia zvolnicca z-za tyktok-błoha2
Kamientary