U vioscy Kapcioŭka sialanie na schodzie patrabavali spynić źniščeńnie śvińniaŭ
U vioscy Kapcioŭka kala Harodni, u jakoj ułady patrabujuć ad sialanaŭ da 1 śniežnia pazbavicca ad śvińniaŭ na pryvatnych padvorkach, 30 kastryčnika adbyŭsia schod suprać niezakonnych patrabavańniaŭ uładaŭ.
Schod prajšoŭ kala budynku sielsavietu. U im uziali ŭdzieł kala 30 sialanaŭ. Na schod byli zaprošanyja staršyni rajvykankamu, sielsavietu i kałhasu, paviedamlaje sajt bchd.info.
Kali staršyni sielsavietu i kałhasu ŭ schodzie ŭdzielničali, to zamiest staršyni rajvykankamu pryjechali milicyjanty i ludzi ŭ cyvilnym z Harodni, jakija zdymali mitynhoŭcaŭ na fota i videa, raspavioŭ žychar Kapcioŭki, kaardynatar arhkamitetu BCHD pa Haradzienščynie Mikoła Baŭsiuk.
Na schod taksama zaprasili žurnalistaŭ Biełsatu, ale ŭłady nie dali im zdymać toje, što adbyvałasia.
Zaklikaŭ sialanaŭ razychodzicca i staršynia SPK Ryšard Papko, u toj čas jak staršynia sielsavietu Ivan Śližeŭski časta navat nie mieŭ čaho adkazać na pytańni mitynhoŭcaŭ.
Na schodzie sialanie, u niekatorych ź jakich šmatdzietnyja siemji, adznačali, što źniščeńnie śvińniaŭ pakinie ich biez srodkaŭ da isnavańnia. Hučali zakliki i da aktyŭnaj abarony pryvatnych haspadarak ad uładaŭ.
-
Entuzijasty aličbavali ŭsie mohiłki Minska
-
Čempijon Biełarusi i Polščy trapiŭ za kraty praz toje, što źbieh ad słužby ŭ biełaruskim vojsku. A ciapier uvohule źnik
-
Sahrada Familija dasiahnuła svajoj kančatkovaj vyšyni — praz paŭtara stahodździa ad pačatku budaŭnictva. I stała samaj vysokaj carkvoj na płaniecie
Ciapier čytajuć
Čempijon Biełarusi i Polščy trapiŭ za kraty praz toje, što źbieh ad słužby ŭ biełaruskim vojsku. A ciapier uvohule źnik2
Kamientary