U zaścienkach Belarus Fashion Week
Niahledziačy na ŭžo zhublenuju pryhažość vosieni, šeryja chmary i adsutnaść ciopłych koleraŭ va ŭsim, Minsk žyvie svaim jarkim žyćciom. Pazačarhovy tydzień mody hreje modnikaŭ i dadaje farbaŭ u vosieńkija budni tych, chto moža trapić na pakazy.
Heta ŭžo šosty siezon Belarus Fashion Week. Prachodzić jon na dvuch placoŭkach: pieršaja - «Dom mody», druhaja i asnoŭnaja — u knižnym paviljonie, što la «BiełEkspa».
Pa naviedvalnaści pakazy kankurujuć chiba što z vystavaj «Skury i futry», što za dva kroki ŭ «BiełEkspa». Kala modnaha paviljona zdarovyja mužyki robiać šašłyki, a zacikaŭlenyja naviedvalniki «skuraŭ i futraŭ» užo z abnoŭkami ciškom chočuć choć adnym vokam zazirnuć u vysoki śviet mody. Ale nie atrymlivajuć dazvołu i panikłyja, z novym futram, kročuć u bok Niamihi.
Kamientary