У засценках Belarus Fashion Week
Нягледзячы на ўжо згубленую прыгажосць восені, шэрыя хмары і адсутнасць цёплых колераў ва ўсім, Мінск жыве сваім яркім жыццём. Пазачарговы тыдзень моды грэе моднікаў і дадае фарбаў у восенькія будні тых, хто можа трапіць на паказы.
Гэта ўжо шосты сезон Belarus Fashion Week. Праходзіць ён на двух пляцоўках: першая - «Дом моды», другая і асноўная — у кніжным павільёне, што ля «БелЭкспа».
Па наведвальнасці паказы канкуруюць хіба што з выставай «Скуры і футры», што за два крокі ў «БелЭкспа». Каля моднага павільёна здаровыя мужыкі робяць шашлыкі, а зацікаўленыя наведвальнікі «скураў і футраў» ужо з абноўкамі цішком хочуць хоць адным вокам зазірнуць у высокі свет моды. Але не атрымліваюць дазволу і паніклыя, з новым футрам, крочуць у бок Нямігі.
Каментары