Administratar drukarskaha centra «Karandaš» Alena Rybak adchilenaja ad pracy
Pra heta paviedamiŭ A. M. Kryvalcevič, dyrektar akcyjaniernaha tavarystva «Infaekśpiert», jakomu padparadkavany «Karandaš».
Hetak spadar Kryvalcevič adreahavaŭ na zvaroty barysaŭskich pravaabaroncaŭ Ihara Lednika i Aleha Mackieviča, jakija publična vykazali abureńnie dziejańniami Aleny Rybak u historyi z mapaj Uschodnich mohiłak «Biełaruski nekropal», paviedamlaje radyjo «Svaboda».
U pryvatnaści Aleh Mackievič papiaredziŭ pra svoj namier źviarnucca ŭ prakuraturu, bo paličyŭ, što supracoŭniki centru «Karandaš» złoŭžyvali svaimi słužbovymi paŭnamoctvami, z-za čaho byli parušanyja jahonyja pravy na infarmacyju.
Nahadajem, napiaredadni Dziadoŭ Radyjo Svaboda padrychtavała mapu Ŭschodnich mohiłak «Biełaruski nekropal» z paznačeńniem mahiłaŭ 50 vybitnych biełarusaŭ, jakija pryśviacili žyćcio biełaruskaj spravie, kultury ci movie.
Adnak mienskaja drukarnia paličyła jaje antydziaržaŭnaj ahitacyjaj i admoviłasia brać zamovu. Nakład mapy mieŭ vyrabić drukavalny centar «Karandaš», jaki znachodzicca na płoščy Niezaležnaści ŭ Miensku.
Na etapie padrychtoŭki da druku pytańniaŭ nia ŭźnikła: napiaredadni byli vyrablenyja probnyja asobniki i składzienaja zamova. U dzień, kali mielisia drukavać mapu, administratarka drukarni Alena Rybak zajaviła, što ličyć materyjały ahitacyjnymi, a radyjo Svaboda, sajt jakoha paznačany na mapie, — antydziaržaŭnym, a tamu centar admaŭlajecca ich drukavać.
«Z ulikam surjoznaści i važnaści Vašaha zvarotu dla našaj kampanii na čas peryjad pravierki Alena Rybak budzie adchilenaja ad vykanańnia abaviazkaŭ menedžera», — paviedamiŭ u svaim adkazie 6 listapada dyrektar «Infaeksperta» A.M. Kryvalcevič.
-
Imihracyjnaja i mytnaja słužba ZŠA zatrymała nie mienš za dzieviać biełarusaŭ paśla vykliku na pravierku
-
«Vydalaješ, jak chočaš, choć cehłaj ściraj», abo nizki status». Hutarka z chłopcam, jakoha prymusili ŭ kałonii źniščyć tatu z Pahoniaj
-
«Dzie hrošy, Franak?» Viačorka tłumačyć sistemu mižnarodnaj dapamohi hramadzianskaj supolnaści i kudy iduć 30 młn ad ES
Ciapier čytajuć
«U vyniku jon skazaŭ mnie: «Chopić mianie šantažavać, ja chaču palubavacca hetymi drevami». Aksana Kołb raskazała, pra što razmaŭlała sa Statkievičam na miažy88
Kamientary