U Łodzi nieviadomy napaŭ na biełarusku, jakaja ŭvachodziła ŭ padjezd doma
Palicyja paprasiła haradžan ab dapamozie.
U polskaj Łodzi napali na 48‑hadovuju hramadzianku Biełarusi, kali jana ŭvachodziła ŭ padjezd svajho doma. Nieviadomy schapiŭ žančynu zzadu, ale jana pačała supraciŭlacca, čym spałochała złamyśnika. Palicyja šukaje napadnika i śviedkaŭ złačynstva, piša Most.
Pavodle paviedamleńnia palicyi Łodzi, zdareńnie adbyłosia poźnim viečaram 14 vieraśnia ŭ centry horada, na vuł. Kapcinskaha.
Kali napadnik pabačyŭ supraciŭ, jon uciok. Śviedka adrazu paviedamiŭ pra zdareńnie ŭ palicyju, ale znajści złamyśnika nie ŭdałosia.
Pavodle słoŭ pradstaŭnicy palicyi, na dadzieny momant ničoha nie pakazvaje na toje, što złačynstva było ździejśniena na hlebie rabavańnia, sieksualnaj abo nacyjanalnaj.
Palicyja vyniała zapisy kamier videanazirańnia ź miesca zdareńnia, a taksama kamier na vulicach i ŭ hramadskim transparcie pa maršrucie, jakim žančyna dabirałasia dadomu.
Palicyja prosić adhuknucca tych, chto byŭ śviedkam incydentu abo bačyŭ paśla 22:00 14 vieraśnia mužčynu, što ŭciakaŭ u rajonie vuł. Kapcinskaha (pamiž Parkam 3 maja i vuł. Narutoviča). Tych, chto moža dapamahčy, prosiać źviazacca z I Kamisaryjatam palicyi Łodzi (vuł. Siankieviča, 28/30) abo patelefanavać pa kruhłasutačnych telefonach 47-841-14-00, 47-841-14-01.
Śpiavak Dźmitryj Kałdun pakazaŭ svaju minskuju kvateru niedaloka ad Drazdoŭ ŠMAT FOTA16
Kamientary