Rejtynh krain Jeŭropy pavodle ŭzroŭniu dastatku byŭ abnarodavany mižnarodnaj kampanijaj GFK, što daśledavała pakupnickuju zdolnaść hramadzian hetych dziaržaŭ za apošni hod.
U paraŭnalnuju tablicu byli zaniesieny 42 dziaržavy. Pavodle źviestak ekśpiertaŭ kampanii, sioleta sukupnaja pakupnickaja zdolnaść nasielnictva nazvanych krain składzie 6,8 tryljona jeŭra, h.zn. 12 890 jeŭra ŭ hod na kožnaha žychara.
Pavodle spravazdačy za 2013 hod, niesuciašalnyja apošnija miescy ŭ rejtynhu pakupnickaj zdolnaści naležać krainam byłoha Savieckaha Sajuza — Małdovie, Ukrainie i Biełarusi.
Ekśpiertami prymałasia pad uvahu, kolki hrašovych srodkaŭ atrymlivaje kožny žychar krainy na praciahu hoda paśla vypłaty ŭsich padatkaŭ. Mierkavałasia taksama, što z hetaj sumy nieabchodna apłacić taksama kamunalnyja pasłuhi, hramadski transpart, kuplu praduktaŭ i inšyja žyćciovyja patreby.
Vyśvietliłasia, što žychary Małdovy za hod mohuć patracić 1 tysiaču 284 jeŭra, ukraincy — 2 tysiačy 206 jeŭra, a biełarusy apynulisia ich amal na 120 jeŭra bahaciejšymi.
Samymi bahatymi krainami pryznanyja Lichtenštejn (58,844 tysiač jeŭra), Šviejcaryja (36,351 tysiač) i Narviehija (31,707 tysiač).
Kamientary