Salda źniešniaha handlu tavarami i pasłuhami Biełarusi za studzień—vierasień 2013 hoda skłałasia admoŭnaje ŭ 372,3 młn. dołaraŭ. Takija papiarednija źviestki apublikavanyja na sajcie Nacyjanalnaha banka.
Jak paviedamlałasia raniej, u studzieni—žniŭni 2013 hoda admoŭnaje salda źniešniaha handlu tavarami i pasłuhami ŭ Biełarusi skłała 125,3 młn. dołaraŭ. Takim čynam, za vierasień jano pavialičyłasia na 247 młn. dołaraŭ.
Źniešniehandlovy abarot tavaraŭ i pasłuh za dzieviać miesiacaŭ skłaŭ 67 młrd. dołaraŭ (na 13% mienš, čym za anałahičny pieryjad minułaha hoda). Ekspart skaraciŭsia na 17,7% da 33 młrd. 353,2 młn. dołaraŭ, impart — na 7,9% da 33 młrd. 725,5 młn.
Salda źniešniaha handlu tavarami skłałasia admoŭnaje — 2 młrd. 381 młn. dołaraŭ. Źniešniehandlovy abarot tavaraŭ skłaŭ 58 młrd. 538,4 młn. dołaraŭ (na 16,1% mienš). Ekspart — 28 młrd. 78,7 młn. (na 21,9% mienš), impart — 30 młrd. 459,7 młn. (na 9,9% mienš).
Źniešniehandlovy abarot pasłuh u studzieni—vieraśni ŭzros na 15,8% u paraŭnańni z anałahičnym pieryjadam minułaha hoda da 8 młrd. 540,3 młn. dołaraŭ. Ekspart pavialičyŭsia na 16,1% da 5 młrd. 274,5 młn. dołaraŭ, impart — na 15,4% da 3 młrd. 265,8 młn. dołaraŭ. Takim čynam, salda pa pasłuhach skłałasia stanoŭčaje — 2 młrd. 8,7 młn. dołaraŭ.
Vylecieła ŭ nieviadomym kirunku śpikierka KR Anžalika Mielnikava30
Kamientary